由出爐金像影后廖子妤、龔慈恩、羅蘭及李日朗等出演嘅電影《走出人質事件》，係改編自2010年菲律賓馬尼拉人質事件，電影未上映已經在網上掀起不少話題，對事件有PTSD（創傷後壓力症）嘅香港人嚟講更係爭議不斷。
該電影以生還者易小玲視角展開，影后廖子妤飾演槍手親戚兼記者的角色。新片描述2010年8月23日震撼香港嘅悲劇事件，當年菲律賓前警員門多薩挾持一輛載有25人嘅香港旅行團旅遊巴，事件歷時約12小時，終造成8死7傷，當年電視直播整個過程，令唔少港人有集體創傷後遺症。
據知電影2022年於馬來西亞開鏡，由梁鴻華執導，屬於「福音電影」類型。故事真實性更因易小玲本人出任顧問而得以保證，佢支持拍攝此片，希望透過影像形式等大眾重新審視事件、關注歷史。
有網民睇完預告片後感心噏，擔心電影可能會對生還者及罹難家屬造成二次傷害，部分人表示影片似在港人傷口灑鹽、唔想再經歷多一次：「呢件事對香港人嘅震撼性大好多。當年係直播整個屠殺過程」、「當年全香港人應該都有睇直播，係傷痛」、「你覺得家屬見到會冇感覺？拍完後會起到咩作用？」、「南丫海難同宏福苑大火若干年後被拍成電視 遇難家屬心情都唔會好過」；同時有人認為電影起到教育作用，幫助未曾經歷此事的年輕一代了解歷史，促進反思及警惕，強調「拍出嚟反而更加唔會被遺忘」、「新一代有權知道當日發生乜嘢事」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|