「大隻Rocky」鄭健樂早前爆出與比他年輕21年的「性感女神」崔碧珈（Anita）譜父女戀，Rocky被派「好人卡」，卻慘遭網民嘲笑是「癡漢」、「癩蝦毛想食天餓肉」。沉默近4個月，Rocky接受訪問堅稱與崔碧珈拍過拖，他說：「我同Anita係拍拖，真係拍拖！」並公開二人短訊對話截圖，情話綿綿，崔碧珈冧爆叫Rocky做「Baby」，又互相講「I love you」，更有長遠結婚計劃。
Rocky強調彼此有Kiss、有抱抱、有拖手，但沒有性關係，可惜戀情難抵輿論壓力，見光兩個月即玩完！而Rocky聲稱的短訊中，與崔碧珈的對話充滿愛意，崔碧珈主動問：「Do you want to make the 12/12 for our first day of relationship？（你想把12月12日定為我們戀愛關係的第一天嗎？）」他秒回：「Certainly！（當然）」、「That day,we opened our hearts to each other（那天，我們彼此敞開心扉）」，崔碧珈再回覆三個心形Emoji，又互相在對方留言派心。另一張截圖則見崔碧珈叫Rocky做「baby」，你一句「my love」，我一句「I love you too」，甜到糖尿！
去年12月11日，Rocky將社交網更新狀態為「與Anita Chui（崔碧珈）交往中」，女方之後出席活動，未有公開二人戀人關係，只稱是「好好好好朋友」，並讚男方「單純」是「認識的人當中最高分的男人」。但私下無損感情，崔碧珈開玩笑說：「依家全城幫你溝女」，Rocky給予笑到喊Emoji，並指二人已有結婚主題曲，崔碧珈即撒嬌：「你同邊個結婚啊？你會有諗結婚咩？」Rocky一副情深男上身：「我當然係同你結婚！如果你願意❤️」
Rocky又透露去年11月左右，崔碧珈私訊表示自己即將舉行音樂會，希望Rocky做私人健身教練為她操Fit身材，Rocky答應以贊助形式相助僅收場租費。二人發展神速，上第二堂後相約食飯，隨即開始拍拖，他說：「因為message同電話已經傾咗好多嘢，我哋試過最長紀錄係講咗9個鐘頭電話，破咗我人生同埋佢人生講電話時間紀錄。我哋三觀係脗合嘅 。」
Rocky接受東網訪問，大爆崔碧珈昨晚（5日）曾透過社交平台私訊他，是兩人分手約一個月後第一次通話：「佢尋晚搵我，問我有冇新女朋友，我話冇，除非佢肯（指復合）咪有囉。」因當時Rocky公開對話截圖，力證跟崔碧珈曾拍拖之訪問還未出，故當時崔碧珈並不知情，現未知對方看後之反應，他謂：「我惟有安慰自己，咪唔使地下情，如果佢ok，可以繼續，唔ok就冇計。」Rocky還指昨晚之通話，崔碧珈有提到他之前在社交平台公開拍拖一事，女方覺得Rocky雖然無心，但舉動亦等同「誤殺」，故都是有罪。
Rocky指的崔碧珈的媽媽本身鍾意他，知他們拍拖，所以短訊都有提及Auntie，但後尾事件發酵後，覺得影響了她的女兒，所以嬲了Rocky！
Rocky頻與不同女藝人的名字扯上關係，形象跌至谷底。曾客串演出一兩集《愛・回家之開心速遞》的性感女藝人唐菲更即時與Rocky劃清界線，在限時動態公開與Rocky的對話截圖，並激動表示：「大家唔好再問同騷擾我！」更指：「本人同此人無任何關係，朋友都不是。」Rocky自覺十分無辜，原來他與唐菲的對話截圖不止於此。從Rocky提供的對話截圖可見，二人頻繁互動，Rocky體貼問女方「返屋企未」、「你同家姐食飯？」，唐菲曾表示：「我哋都係唔好po合照好啲，我唔想有麻煩！」Rocky回覆：「明白！我哋合照好靚，唔post好嘥晒！」不過，唐菲突然將之後的回覆對話全部刪走，Rocky還原真相：「當時佢係答『OK』。」
Rocky指二人其實早已認識，唐菲的孖生姐姐正是他健身室的瑜伽導師。當日相約唐菲去西九放狗，還遇上袁偉豪和兒子「袁咕碌」。Rocky續說：「佢（唐菲）有Recap我Story，但之後又叫我Delete，連我同佢短訊對話嘅回覆佢都delete埋。佢有口頭同意，短訊又同意，跟住發生咁嘅事，我都唔知發生乜事。」問到會否覺得有人借機會出位？他說：「少少啦，我同佢講，你用我宣傳唔係問題，但唔好踐踏我個人形象。」
Rocky亦被發現在社交網Highlight（精選動態）收藏了5段TVB上位小花劉穎鏇的短片，還有陳瀅、傅穎、陳欣妍等。Rocky解釋只是自動彈出的內容，他覺得有意思才分享到 Story並放在 Highlight：「我覺得係大家幫大家，互相刷流量。」他無奈表示，若放麥當娜的影片進去，絕對不會有人說他暗戀麥當娜，只因對象是本地藝人才被無限放大。
本文作轉載及備份之用 來源 source: http://hk.on.cc
|
鍾意就快D Share啦！
|
|
|