藝人施明離世至今，李家鼎沒完沒了公開指控大仔李泳漢，李泳漢一直強調父親被弟弟李泳豪與弟婦Agnes操控，今日李家鼎再宣布託付幼子李泳豪代辦一切，包括錢銀。對於又遭父親「唱衰」，李泳漢在接受東網訪問時，只嘆氣謂：「我好清楚佢係唔情願，嗰日喺靈堂爸爸對住親戚面前，親口承認話全部嘢都唔係佢講，佢冇講過，咁究竟係邊個講呢？大家心中有數。」
李泳漢強調沒有拿過父親口中所指的200萬元，指李家鼎連戶口已一早被人操控，並爆出李泳豪夫婦一直迫兩老分身家。他記得母親施明2023年出院回家，李泳豪除了叫李家鼎立平安紙，更要李家鼎在律師面前宣讀內容，當中最過分是母親仍在康復中，已急不及待要求母親賣樓，分錢給他們：「李泳豪兩公婆就搵爸爸做說客，同媽媽講：『你一個人使乜住咁大間屋，不如趁依家樓價高，賣咗去換間細啲，套咗出嚟嗰啲錢，畀2、300萬個細仔同新抱，等佢哋組織個家。』媽媽當然冇應承，佢哋就隔幾日叫鼎爺上屋企講一次。」
直至去年6月李泳漢突然接到父親李家鼎求助電話，並記得傳來的聲音非常慌張：「佢話畀李泳豪同個台灣婆操控，連網上銀行戶口電話都被人改咗，完全攞唔到錢，於是即刻同佢去銀行改番個戶口資料，狂話李泳豪兩公婆好離譜，之後有主動跟我做法會。我記得7月11日因為爸爸架車撞咗，佢又住得遠出唔到去買餸，所以我同太太送食物畀佢，佢突然同我講李泳豪要分家，佢話搞掂咗我同佢每人250萬，又話7月24號定期夠期可以拎到錢，到時會同李泳豪去拎錢先，前一日我仲打電話提佢千祈唔好畀個台灣婆跟住去。」
怎料，大約一個星期後，李家鼎拎住一大堆銀行月結單找他，表示已給了李泳豪300萬元，銀行已近乎清零，「佢話李泳豪兩公婆好過分，拎完錢一句多謝都冇，反而更加鬧爆佢，仲侮辱佢話：『你估你煮嘢真係好好食呀？』然後佢叫我睇清楚堆月結單，證明自己已經冇晒錢，我發現攞完300萬後，只係相差幾日又過咗一筆40萬去同一個戶口，我問爸爸已經250萬變300萬，點解仲要畀多40萬，佢話個台灣婆拎咗錢去買手袋。我由頭到尾一亳子都冇拎過，依家就畀人講到最貪錢，不停講錢嗰個係李泳豪。」
李泳漢表示將真相說出，希望大家不要誤會他們父子不和，從頭到尾李家鼎都是受人操控，才會不斷公開抹黑他，亦替父親的處境感到心痛。他說：「爸爸講咗咁多嘢，佢出發點係咩先？唔係佢講就一定係真，有冇人諗吓點解佢要咁做？完全背後操控佢嗰啲人想整死我，好似報道話鼎爺出錢買媽媽張新床，其實張床係我買成4萬蚊，佢哋只係想借我爸爸把口整死我，我相信天有公理，當所有真相公開必會還自己一個公道，反而最擔心係爸爸目前嘅情況。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|