- 李家鼎託付細仔李泳豪處理所有財產，讚揚其孝順盡責。
- 鼎爺怒斥長子李泳漢及其妻子，指控其不斷索錢及撒謊。
- 鼎爺曾每月給予長子一家至少五萬元生活費及支付相關開支。
【李家鼎 / 鼎爺 /施明 / 李泳豪/ 李泳豪】施明（原名：方寶儀）逝世，令李家問題浮面，在喪禮當日，長子李泳漢更以照母親遺願，不讓弟弟泳豪的太太林妤謙（Agnes）入靈堂在門外「罰企」。
鼎爺李家鼎在近日接受《娛壹》訪問表示，希望趁有生之年清楚交代想法及安排，免得日後百年歸老「死無對證」，自己變成另一個「施明」，又再被人訛稱「遺願」而行事。
李家鼎表明已託付李泳豪代辦一切，斬釘截鐵稱：「我想將來我所有嘢，包括錢銀，交俾我細仔（泳豪）去處理」他直言現在因為身體差，很多事不方便做，包括交租等事項，都由泳豪處理。
鼎爺指明泳豪是他的執行人，講到明︰「我完全肯定由細仔為我交代嘅嘢先係啱，大仔講嘅完全錯。」對於長子之前指控弟弟謀家產及操控父親，鼎爺明確指絕無此事，並讚泳豪孝順忠直，與啃老又愛生事的長子的性格完全相反，形容細仔「對我對家庭都好盡責好忠心」。
李泳漢不滿弟媳懶人包︱李家鼎兩新抱背景起底 李泳豪太太Agnes被李泳漢針對內幕曝光
李家鼎怒斥泳漢︱鼎爺稱讚Agnes：任勞任怨為自己奔走
至於豪仔Agnes，鼎爺稱這位細新抱：「呢個細新抱幫我好多忙，連日為我奔奔走走，任勞任怨。」鼎爺近日食慾不振，泳豪夫婦每日探望勸他進食，細新抱更餵鼎爺食飯，稱：「細仔點攰，都會攞飯嚟俾我。我啲細佬細妹，亦有嚟探我。」言下次意，長子沒有探望他。
施明晚年由大仔掌控，鼎爺為要施明活得安好，供養大仔一家生活多年，每月給予至少5萬元生活費及擔起3個孫兒、施明醫療等開支。
李家鼎怒斥泳漢︱鼎爺被當人肉提款機
至於早前李泳漢在解穢酒時接受傳媒訪問指，被問為何母親死後兩日才通知鼎爺時，他反問︰「我搞好晒先同佢講有乜問題！」對於此，鼎爺踢爆稱有人講大話，指大仔是在施明逝世10日後，即是13月31日有媒體凌晨12點報道死訊前一刻，才告知鼎爺。而通知前的那個晚上，大仔兩公婆還隱瞞真相，以照顧施明開支為藉口向鼎爺要錢。
慘成人肉提款機，鼎爺回憶說︰「總之一睇銀行月結單，自己都睇到腳軟……佢哋有時係點呢，今日3萬，過兩日就問攞4萬，再過幾日攞5萬。」
對於未能見一生中最愛的施明最後一面，鼎爺無奈稱︰「施明死後十日先通知我，通知我之前仲問我攞咗筆錢，跟住隔咗陣先話俾我知佢媽咪走咗。」泳漢取款後隔一會告知施明逝世的消息，鼎爺問：「問點解而家先講，佢話驚我接受唔到，所以『家下』先話俾我聽。」
對此，鼎爺不禁怒稱：「正X街，你係咪人呀！佢講大話好叻！如果唔係搵阿媽做理由，我又點會俾錢佢。」鼎爺透露，這次泳漢「終極一擊」約取了6至7萬元。
李家鼎怒斥泳漢︱退休金盡失手停口停
鼎爺曾以「人無三尺高，肚裏三把刀」形容泳漢太太Conny，他謂︰「佢（泳漢）講唔掂我就搵個老婆，老婆都講唔掂我，佢就死𦧲，佢搵個老母做扶手棍。佢好古惑，硬唔得就軟，一哭二鬧三上吊嗰啲。」
成為長子款機，早前憑《阿爺廚房》走紅帶來可觀收入的鼎爺被榨乾多年，坦言積蓄「無晒喇！」多年來，只粗略估計至少被大長共索200萬元。退休金盡失，81歲鼎爺直言手停口停︰「有得做就一定要做。」
他更表示，不想再見大仔一家：「佢哋唔係人嚟。而家安排終止外傭合約，我就好安樂喇。」他指之前聘請兩名外傭，一名服侍施明，另一個則照顧大仔一家。兩名外傭的薪金，均由他支付。「而家唔關我事，佢自己搞掂，我最愛嘅人都走咗。」他表示：「過去我只係睇在施明同啲孫份上。」
李家鼎施明︱鼎爺深情剖白一生最愛施明 李家鼎證前妻從沒不滿Agnes 斥泳漢太太：人無三尺高肚裏三把刀
🔥全新升級Whatsapp「升學備戰Group」選校攻略｜奪A攻略｜校園動向【馬上入group】🔥
Follow TOPick Whatsapp頻道🔔，唔會錯過熱門話題!https://whatsapp.com/channel/0029Va2riKf4o7qJmRRWrr1g
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品! 詳情:https://event.hket.com/article/3965561/?r=mcsdediart
|
鍾意就快D Share啦！
|
|
|