香港著名填詞人因葵（本名陸謙遊）離世，終年60歲。與他合作無間的太極樂隊，今日（7日）在社交網公布因葵的死訊，發長文沉痛表示：「收到消息後，我哋每一個心裏面真係好難受。咁多年嚟，你唔單止係我哋太極最重要嘅作詞人，更加係同我哋一齊成長、一齊癲嘅好兄弟。」
太極樂隊並承諾會繼續傳唱因葵的作品：「多謝你為我哋寫咗咁多經典，你先走一步，我哋會繼續唱落去，將你嘅才華永遠留喺舞台上面。」文末更向已故的太極成員唐奕聰（Gary Tong）喊話，希望兩位好兄弟在天國繼續玩音樂：「兄弟，一路好走。喺天堂同Gary Tong夾住band先，我哋喺下面繼續聽你哋嘅音樂。永遠懷念你。」整段長文字裏行間流露住極度悲痛與不捨，樂迷及圈中好友紛紛留言悼念。
因葵是一名中意混血兒，被譽為「太極御用填詞人」，他中學時期與太極樂隊主音雷有暉是同班同學。他的填詞生涯亦是由太極展開，第一首公開發表的作品正是太極的經典名曲《紅色跑車》，其後更為樂隊創作了《迷途》、《禁區》、《全人類高歌》等大量膾炙人口的歌曲。
本文作轉載及備份之用 來源 source: http://hk.on.cc
|
鍾意就快D Share啦！
|
|
|