視帝馬國明嘅愛妻湯洛雯（靚湯）尋日（6日）正日39歲生日，於社交網上載大批慶生照，當中就見到老公馬國明、索爆細妹湯樂瑤（Cassandre）、「2Line黨」成員朱千雪、岑杏賢及蔣家旻等為佢歡樂慶生，連佢自己都話過咗個好精彩嘅生日周！靚湯留言：「充滿愛、歡笑和美食的精彩一周❣️感謝我所有親愛的家人和朋友，以及你們發來的所有信息🫶🏻」見合照中，靚湯以淺色恤衫同着黑色恤衫嘅馬國明頭貼頭合照，明顯夾晒情侶裝，加上佢手捧大紮鮮花，幸福模樣令人羨慕。佢又上載一張同妹妹湯樂瑤合照，見佢着上同一套衫，似乎阿妹係做「電燈膽」Join埋食生日飯，感情極好。
佢大晒其中一份生日禮物，見佢拎住粉紅色水杯，上面印有兩隻愛貓，同代表佢同馬國明嘅獨角獸錫錫圖案，並有「TLM HAPPY SWEET 39」字樣，非常有心思。另外，靚湯又同「2Line黨」齊人慶生，只見佢哋4女個個精神飽滿、笑容十足，飯局上同樣又有Cake又有鮮花，「2Line黨」愛錫靚湯嘅程度不輸馬國明。
本文作轉載及備份之用 來源 source: http://hk.on.cc
|
鍾意就快D Share啦！
|
|
|