重現史上最危險魔術 大型裝置運往紅館
甄澤權接受《香港01》訪問時，透露魔術騷將會有大型魔術表演：「飛天循地裝置，適合紅館規格嘅，陸陸續續運緊過嚟。」他又表示，是次表演將會重現有「史上最危險魔術」。「好耐都冇人做過，touch wood，應該係希望冇事。」
圓夢之旅籌備多時 由「拖喼」到踏上紅館舞台
他又指為了這一次魔術騷構思用盡法寶，且構思了一段相當長時間。「今年年頭開始知有呢個騷嘅時候已經開始度緊。我做魔術師嗰時已經夢想喺紅館做，嗰時唔知唔知點解。好似頭先阿Bob咁講，我攞住個喼嘅時候，已經知有一日要成隊crew去紅館搞！」
阿Bob投資七位數支持 感觸見證好友成長
林盛斌（Bob）作為是次甄澤權紅館魔術騷投資單位，他大爆公司投資了七位數字。阿Bob回憶道，從甄澤權一個人拖喼去酒樓時就已認識，看着他做電視節目再到今天能在紅館開騷，實在感觸良多。
不計盈虧力挺兄弟 阿Bob：成就朋友夢想最值得
只開一場能回本？阿Bob說：「梗係望投資賺錢，個騷又叫座，但係而家見到有十幾個贊助，你見到佢人緣好好，大家都好支持。最後希望持平成本，或者賺少少？都好感激。最尾如果真係揩少少，但係可以成就個朋友喺咁大型場地做演出，大家都覺得值得嘅。」
正面應對女兒遭嘲諷 分享鍛鍊信心教育觀
早前林盛斌的女兒出席電影首映時，事後被網民嘲笑。林盛斌就抱正面態度，坦言：「佢哋有少少免疫咗，又唔覺係咩一回事，鍾意講咪講囉：『又影響唔到我快樂嘅生活。』我見到有啲人話，不如唔好畀佢哋去啦，首先我冇特別逼佢哋去，係有人邀請我，我唔得閒所以先問佢哋去唔去。係咪要保護，收埋佢哋？我又唔覺收埋佢係叫做保護嘅一種，我哋家庭教育係，如果想要個女成長，真正保護嘅係咩，係鍛鍊佢哋有多啲信心同勇氣，同埋鍛鍊佢哋有多啲解決問題嘅能力。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|