台灣天團F4成員朱孝天近日於社群平台上玩大踢爆，直斥網路直播購物黑暗面，更揭露自己淪為「假珠寶」受害者全過程！
朱孝天指佢日前於某直播間睇中一串由108顆「紫水晶」組成嘅兩串飾品，當時賣家憑藉精緻燈光布置、充滿高級感包裝，以及不斷強調商品具有「極高收藏價值」等專業話術，成功營造出稀有珍品氛圍。於直播間熱烈情緒渲染下，朱孝天不疑有他，決定砸下重金收購，想為自己嘅收藏再添一筆精品。
點知佢拎到手後發現「紫水晶」顏色過於鮮艷、呈現半透明，質感同真正紫水晶不同。佢將紫水晶送檢後，經鑑定為染色石英岩，唔只唔值錢，且染色過程通常殘留大量化學藥劑與重金屬，對人體有害。朱孝天驚覺遭騙而搵商家理論，認為對方全程誤導係天然水晶，佢向店家提出假貨證明後，對方僅同意退款，拒絕「假一賠三」及報銷400元鑑定費，事後仲將朱孝天封鎖。
面對有組織惡性銷售手法，朱孝天決定不再隱忍，選擇公開慘痛經歷。佢痛批現今好多直播主精準利用消費者對專業知識盲區，配合直播間特有煽動氣氛進行誤導。佢感嘆，呢種游走於法律邊緣嘅「鑽漏洞」行為防不勝防，因此希望透過自己案例提醒大眾：「在進入熱鬧非凡的直播拍賣場時，切勿被煽動性的話術牽着走，面對高價商品務必保持冷靜思考，以免花了大錢卻買回對健康有害的假貨，得不償失。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|