藝人鄧麗欣（Stephy）第二個個人畫展《常·在》今日（14日）於會展開幕，現場展出15幅作品，Stephy表示全為了今次畫展重新創作，由構思到完成作品全程花了約兩個月時間，坦言因同場亦有不少名畫家作品，加上今次為慈善用途，笑言令她有銷售壓力，希望大家可慷慨解囊讓她多籌善款，提到作品定價，她笑言在她心目中每幅都價值不菲，不過由於畫展規定要「負擔得起」，希望能有更多人可接受，因此不敢定價太高，當中自己最喜歡的作品《常在》標價8萬港元，是15幅作品中標價最高，亦是自己花最多心思和時間完成的作品，她希望作品能為大家帶來平靜的感覺，又透露另一幅標價2萬5千元的作品《遠在天邊》已由經理人認購。問到男友會否來買畫支持？Stephy 笑指男友也對《常在》有意，她説：「我叫佢畀啲機會人，到時真係賣唔出先由佢包底。」
提到好友吳雨霏（Kary) 早前宣布正式加入「寄養媽媽」行列，Stephy透露早前已到對方家中探望新成員BB，她大讚Kary很厲害，又替對方感到驕傲，本身已有3個孩子並照顧得那麼好，現再加入新成員，覺得對方真的很偉大：「佢真係母愛氾濫好鍾意小朋友，耐性、IQ同EQ都好高，喺佢屋企感受到好熱鬧，好戥佢開心。」她笑指對方愛照顧小朋友，自己則鍾情玩其他人的小朋友，坦言想到要24小時全天候照顧小朋友，自己也未必有這個信心。問她可先生一個感受一下？她笑謂：「人生唔係乜嘢都需要試嘅。（男友一齊去探Kary？）有，佢同我跟一樣都係鍾意玩人哋小朋友。（有冇同你提過想生小朋友？）冇，大家都有自知之明未必適合，不過我哋都係隨緣嘅人。（有意外就當驚喜？）係，但希望人生唔好有咁多意外發生，哈哈！盡量跟返自己嘅計劃之內，但講到尾都係隨緣，有時勉強唔到，想要未必畀你，唔想要但安排咗畀你就要接受。」
談到舊愛方力申將於明晚舉行紅館騷，Stephy表示知情，但對方未有邀請她擔任嘉賓，問到屆時會否捧對方場？她即推説每天也要留守畫展，提到每天展出時間至晚上8時，理應可趕及到場，她説：「遲到就唔好啦，我個心裏面都有支持佢，有同佢講Good show！（見證佢紅館第一次！）大家幫我見證啦，我都恭喜佢嘅，係好開心一件事，祝佢Good show，你哋幫我去睇哈哈！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|