無綫處境劇《愛．回家之開心速遞》是香港最長壽的處境劇，劇集正向10周年邁進之時卻即將停拍，劇中主角之一嘅「大小姐」林淑敏受訪時坦言最難忘是新冠肺炎爆發的時候，《愛．回家》全劇組仍然堅持拍攝，每日早半個小時返去做檢測，之後等結果，再傳去劇組的通訊群組，她表示：「當時大家都戴住口罩，到正式roll機先除得，全部都一個口罩印咁講對白，依家諗番起就想笑...但當時覺得係一份社會責任，大家都無得出街食飯同玩，如果我哋唔堅持，大家就少咗一份娛樂。」林淑敏希望繼續努力去演好每一集，至於何時完結，劇組仍未有通知：「『龍力蓮』角色陪伴大家差唔多10年時間，呢啲片段諗起係好開心，亦都好滿足，好希望繼續努力去演好嚟緊每一集劇本，直到最後一集。至於幾時，劇組真係未有通知嘅。」她又指能夠演到「大小姐」這個角色是相當幸運，特別多謝珍姐（曾勵珍）：「係佢大膽起用我，我之前都係籍籍無名的路人甲。」
至於「大小姐」官配CP「送水輝」許家傑，亦對有份加入大家庭感榮幸，似足過咗另一個人生：「其實可以拍到一套劇有10年歷史已經係一個非常之犀利嘅成就，覺得好榮幸，我覺得成件事可以參與其中好amazing，成個旅程好難忘，到依家以前拍嘅所有劇集，其實好多歷歷在目，好多謝有送水輝呢個角色， 呢個角色好多成長，由一個送水嘅，跟住變咗做『尋寶圖』嘅職員，再之後開咗『好爸bar』做老闆，甚至乎依家真係所謂嘅宋總監，呢個旅程真係過咗我另一個人生。」他又很記得拍攝第一集時還是一個未穩定的角色，只有一集戲做到現時的常駐角色：「喺裏面真係學咗好多嘢，鍛煉自己嘅演技，所以好開心。」問到停拍後有甚麼打算時，許家傑謂：「未來係點我都唔知，我仍然會以演員為我嘅終身職業，無論有啲咩挑戰，可能有新嘅劇集，甚至係新嘅處境劇需要我時，我都會盡我120%嘅力去做好佢，就好似第一日做送水輝嗰陣咁，無論個角色係大定細，我都會盡力做好佢。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|