三人接受《香港01》訪問時談到這份橫跨十年的同門情誼，皆感觸良多。不過，全場最吸睛的焦點，莫過於周柏豪與連詩雅大談兩家人的「下一代」趣事，周柏豪更大爆囝囝慘遭Shiga囡囡「強吻」的搞笑內幕！
Shiga囡囡熱情強吻柏豪囝囝
周柏豪與連詩雅一向私交甚篤，兩人的小朋友私底下也經常聚會。受訪時，周柏豪忍不住爆料指連詩雅的囡囡性格極度熱情，在一次聚會上，囡囡竟然主動「出擊」，「強吻」了他的囝囝！周柏豪笑言：「佢個女上次喺我個仔嘅生日會上，竟然當眾錫咗我個仔一啖！點知我個仔當場呆咗，而我個大女見到之後仲即刻呷醋，表現得好嬲！」一旁的連詩雅聽到後也忍不住大笑，並代囡囡「澄清」，直言囡囡只是遺傳了自己和老公陳家樂的「熱情基因」。
「熱情」驚嚇變「友情危機」？
這次「強吻」不僅讓柏豪的囝囝嚇呆，更差點引發了兩家人的「友情危機」，周柏豪加碼爆料，笑指大女因為看到弟弟被錫，護弟心切下竟然下了「封殺令」：「我大女見到細佬俾人錫，好似家姐要保護細佬咁，事後仲好認真同我哋講，話以後Shiga個女唔可以再同我哋玩！」
連詩雅一邊大笑一邊無奈地說：「我個女真係好熱情，可能太主動喇！好彩第二次見面嘅時候，佢哋已經無事，變返好朋友。」Shiga亦表示，自己和家樂在家中都習慣用充滿愛的身體接觸來表達情感，希望囡囡在有愛的環境下長大，沒想到囡囡因此完全「模糊了界線」，對著柏豪囝囝也使出熱情攻勢，看來回去要好好「教導」一下。
本文作轉載及備份之用 來源 source: http://www.hk01.com
|
鍾意就快D Share啦！
|
|
|