「全屋密碼得佢知！」女事主直指前男友係幕後黑手
麥小姐向《東張西望》提供片段，凌晨三點時分有一名南亞裔男子假扮外賣員入屋，搜尋一番後，取走若干個手袋，和疑似名錶，途中拿出電話傾談，將物件放入外賣食物後雜開。麥小姐質疑背後主謀為前男友：「我相當肯定嫌疑人，因為佢喺某啲特定位置想搵一啲特定嘅嘢，但係好不幸啲嘢跟喺我身，佢搵唔到，所以佢冇做一個慣常小偷做法。我屋企密碼得一個人知道，連我屋企人都唔知。（可唔可以透露係邊個？）我前男友。呢件事都係佢搵人做，如果唔係點解冇啦啦有個外籍人士，撳密碼入屋偷嘢，並且搵指定嘅物品去偷。佢哋係好兄弟嚟。（你哋一齊幾耐？）幾個月，唔算耐，算係和平分手。（點解要咁做？）個人本身賤格囉，如果唔係點解諗到去前女友屋企，偷撳密碼入人哋屋企偷嘢？」
前度反擊控訴：識十幾日就畀密碼人！
《東張西望》聯絡麥小姐的前男朋友蘇先生。蘇先生回答：「佢識一個人十幾日就畀密碼人，跟住話得佢一個人有。我覺得會唔會其他人都有，又認定係我呢？我唔想同佢拗，你明唔明？你咪報警囉，搵個真相出嚟，唔係你單方面話係就係，你明唔明？」
本文作轉載及備份之用 來源 source: http://www.hk01.com
|
鍾意就快D Share啦！
|
|
|