重提兩人拍攝打鬥強暴戲經過
王賢誌寫道：「楊思琦係2001年嘅港姐冠軍，原來我同佢都有過一次難得嘅合作。當時我喺一套劇入面同佢有好多對手戲，劇集原名叫做《鴨寮街啲金蛋》，到香港播嘅時候就改咗名叫《翻新大少》。我客串嗰幾集，飾演劇中主角蔡子健同楊思琦嘅上司，表面做得嘢、一表人才，但其實係個衣冠禽獸，一直對楊思琦嘅美色虎視眈眈，千方百計想氹佢上床！」他特地提及其中的一場戲說：「呢套劇係2003年年底拍嘅，有一場好重要嘅戲。當年為咗用實景，特別book咗屯門一間別墅嚟拍，一拍就拍通宵。因為嗰場戲唔止有文戲，仲有打鬥同強暴戲，對於拍劇經驗好少嘅我嚟講，真係壓力好大，緊張到爆！好彩思琪妹好專業，我哋大家事先溝通清楚，知道點樣就位，免卻尷尬，所以拍攝十分順利！」
特別多謝楊思琦
王賢誌又多謝楊思琦說：「講真，我從來未試過同女性有親密接觸，真係唔知呢啲戲應該點拍，所以要再次多謝思琪妹嘅配合！另外，仲要多謝佢一樣嘢，就係到咗2018年我做東華主席嗰陣，我為《歡樂滿東華》構思咗一個特別環節，想集齊港姐、亞姐同華姐嘅冠軍一齊行Catwalk，當我一打電話俾佢，佢二話不說就應承，仲成為佢離開TVB之後，第一次返TVB亮相嘅節目，真係萬分感激！我非常欣賞楊思琦多年嚟都不屈不撓，唔理外界所有閒言閒語，繼續努力工作，做好自己！呢一刻嘅我，都真係要向佢借鏡同學習！」大讚楊思琦的堅毅不屈精神。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
