演藝界常青樹胡楓（修哥）第6度登上紅館舞台，今午（7日）於紅館舉行《修哥九五至尊無限楓騷演唱會》，早上舉行拜神儀式，祈求演出順利，主辦之一的陳淑芬、表演嘉賓劉洋、張與辰及無綫高層樂易玲等亦有份出席儀式，吸引大批歌迷一早到場外守候見偶像。
修哥表示今天是自己的大日子，心情十分興奮，又感謝天公做美沒有下大雨，問到昨晚會否興奮得睡不着？他笑謂：「瞓得着，不過呢瞓瞓吓又醒咗，再瞓番咁囉，呢個係我習慣。（狀態係咪同你歲數一樣90幾分？）我諗應該100分，OK呀！」
問到一眾契仔契女會否來支持？他搞笑稱沒有跟他們聯絡，又大賣關子未有透露有哪位契仔契女會上台表演，叫大家期待一下，自己也很期待看他們演出，問到身為「舞王」的他屆時是否會表演舞技？他笑謂：「畀你哋嚇到我跳舞，我94歲（你係舞王！）以前個名就係！」談到他又破自己紅館紀錄，他坦言自己也從沒想過。提到他的演唱會門票被「黃牛」炒高3倍價錢，原價980元的精選第一行門票被索價3,200元，他説：「你炒呀？（網上！）早啲出聲，等我留番一疊飛我炒嘛，哈哈！（好多朋友同你講買唔到飛？）有，但我話我都冇辦法，因為每一次演唱會我淨係關注我嘅音樂同埋我嘅歌曲，其他嘅嘢我唔理嘅，有好多人甚至親戚叫我買飛我都唔買。（加場、開Part 2 ？）你話開就開啦？哈哈！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|