「聲夢小花」詹天文（Windy）宣布將於7月11日假麥花臣舉行首個個人演唱會《CHAPTER ONE LIVE IN HONG KONG》，即傳出以加簽無綫合約而換取開騷機會後，今日（6日）她在尖沙咀舉行演唱會記者會，現場粉絲約有30人，無綫高層樂易玲亦有現身支持。
身穿牛仔連身裙的Windy於台上提及自己曾經歷過不少高高低低，得知可以舉行首次個唱時，心情既感動又感慨，她說：「當時喺廣州上緊堂，要忍住唔可以嗌出嚟。」
之後，Windy在台下接受傳媒訪問，她指幾個月前收到經理人計劃為她舉行個唱，直至上月才落實，對於有傳她以加簽合約換取開騷機會，她說：「我唔會用合約去換開演唱會機會，係天時，地利，人和促成，咁啱時機到啦。」不過她承認確曾跟公司加簽合約：「係有加簽嘅，係前兩年嘅事，但唔係依家。」至於上次加簽之年期是否很長？Windy則說：「可以咁講。」她亦補充年期長短都是很主觀的事。記者再問Windy，若果公司之後再要加簽，是否仍會接受？Windy謂：「咁就要睇吓我發展成點，過多兩年睇吓讀完大學嘅情況係點先至可以再決定係咪要加簽啦。（網民提議你簽無綫一世喎？）Comment咁Cutie 嘅，不過係自己嘅路，由自己做選擇再同大家講。」
談到今次個唱，Windy指會長達兩小時，自問都夠歌開騷，她自信說：「劇集歌加自己歌都有10幾首，所以個騷會唱6成自己歌同4成翻唱歌，咁一定要儲夠數量先可以開到騷嘅。」又指自己代表作為《沒有你的新學期》，因是這首歌是她的第一首派台歌，亦代表自己校園生活的歌曲。
問到其演唱會門票票價分別為$1280（VIP）、$880和 $580三種，被網民指最貴門票過千太貴，她則表示：「票價唔係我決定嘅，但希望我嘅能力同表演會令大家覺得值回票價，我啲粉絲多數都係學生同老師，所以都擔心佢哋負擔唔到，但又覺得佢哋有判斷能力，如果啲學生粉絲嘅家長唔同意或者負擔唔到，佢哋都可以選擇唔嚟，但我知佢哋喺心入面會默默支持我；最貴嘅票價係加埋可以睇我綵排同埋有1對1 合照及現場簽名，比較多福利，如果覺得太貴，可以揀平飛，因為有啲人或者唔想睇綵排或影相，可能只想聽我唱歌。（門票被指太貴，可擔心影響票房？）我唔係好擔心未來嘅事，做好眼前嘅事先，（有啲網友又話唔係咁認識你？）我諗好多人都唔認識我，但通過呢個演唱會會認識我同鍾意，雖然我入行5年，都係新人要向前輩學習。（想加場？）如果可以，我當然希望加場。」
至於嘉賓方面，她表示要保持神秘，問到是否《聲夢》導師？她封嘴說：「唔講，我都邀請咗聲夢歌手，不過，因為嗰日公司有騷，或者佢哋做完就嚟影張相（咁有冇請炎明熹？）有呀。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|