港姐日前舉行第二輪面試，多位大熱參加者順利入圍，今日（16日）港姐進行形象大改造日子，即正式入圍名單揭盅日。今早約8時許就已經見到多位佳麗現身，亦不乏多位大熱人選，今日暫公開共11位入圍佳麗。
當中見到李澤欣第一個到場，化上淡妝示人，佢表示之前已經同無綫開過會，佢今次髮形上主要改色，唔擔心剪短會變大媽，佢收到入圍亦好開心，依家仲適應緊，不過佢已經同公司請咗假；「翻版王菲」袁絲珩則歎住飲品、好輕鬆咁出現，話自己唔怕剪短頭髮；與藝人吳卓羲名字同音嘅吳倬希，一到現場就風騷撥髮，引得身後男士眼望望，一睹港姐風采。
另外，「理大林欣彤」李澄晴、來自澳洲嘅「妹妹」盧蔚晴、譚雅文、湯家琳、顏懿菲、楊媛媛、鄧匡閔、周芳姿等陸續現身。
第12位佳麗魏欣拿着行李姍姍來遲，她表示剛剛從英國搭飛機返港，身穿白色貼身小背心的她身材玲瓏浮凸，收到是這時間來變髮。表示不怕長髮剪短，只要適合自己會接受。
本文作轉載及備份之用 來源 source: http://hk.on.cc
|
鍾意就快D Share啦！
|
|
|