3屆視帝羅嘉良回娘家拍劇，昨日他偕視后楊茜堯等現身新劇開鏡拜神儀式，劇中被多名靚女包圍的他否認艷福無邊，反而嗌「大鑊」！至於楊茜堯開工首天便失聲，加上剪了一頭帥氣短髮，突變「男人」。
無綫新劇《模範律師團》昨日在深圳舉行開鏡拜神儀式，總監製鍾澍佳率主演楊茜堯、羅嘉良（撈家）、陳煒、張曦雯、滕麗名（阿滕）、劉佩玥及何廣沛等出席。鍾澍佳透露《模》劇是《正義女神》的衍生劇，他稱早於兩年前的台慶頒獎禮已斟撈家回巢拍劇，又提到2007年跟阿滕在《難兄難弟》中合作，由於對方有處境劇《愛．回家之開心速遞》在身，一直很難度期，剛好《愛》劇即將大結局，他即時搶頭啖湯邀對方助陣。
撈家繼《與諜同謀》後相隔近10年再拍無綫劇，講到《模》劇陰盛陽衰，飾演大律師的他跟多位女演員有對手戲，可謂艷福無邊，他急急否認：「劇中唔係艷福無邊，係好大鑊！」但現實中他開心跟多位女演員合作，其中跟阿滕是繼《難》劇後再結緣，於新劇扮演夫妻，他笑言自己三生有幸，至於跟楊茜堯更是相隔23年再合作。
楊茜堯以全新短髮造型示人，加上失聲，她搞笑說：「睇我後面係男人，把聲都係。」她強調沒有身體不適，疑因吃龍眼上火，以致突然失聲。問到是否監製要求剪髮？她稱剛好相反：「佢想我留長頭髮，但同劇個個女演員都係長髮，我想唔一樣。（你撞樣袁潔瑩？）真係？都好，係靚女。」不過她指兒子似乎不太欣賞其新形象，但仍稱讚她剪髮前後都好看，認真圓滑。
張曦雯愈食愈瘦
陳煒則透露新劇是《正》劇角色「高淑樺」8年前的故事，會聚焦她與兒子的母子情，又指很開心跟撈家合作：「我同佢係同代演員，但一直冇機會合作，冇諗過咁多年後可以，至於茜堯，我喺無綫第一套劇《法網狙擊》係同佢同劇，但冇對手戲，今次算係第一次正式合作。」現場所見張曦雯似乎瘦了不少，她稱沒有刻意減肥：「我好努力食嘢，每次返大陸拍劇都會肥咗，叫外賣太方便。」她揚言劇裏劇外撈家都是其師傅，又讚他為人風趣幽默。
至於阿滕相隔9年後再接拍正劇，心情興奮，問到會否不適應？她自嘲：「我有少少犯賤，鍾意好Chur。」她慶幸不是演律師，否則擔心對白太多會「嘔泡」。她透露《愛．回家》仍未殺青，結局將交由網民票選，又表示暫未獲安排參演《愛．回家之三代同糖》，但不會失望：「每個人都有新嘗試，觀眾都想睇新嘢。」又自薦為8月紅館開騷的古天樂伴舞跳《今期流行》。
劉佩玥向滕麗名表白：我細細個睇佢
藝人劉佩玥（Moon）與何廣沛在新劇飾演羅嘉良的徒弟，二人開心得如小粉絲上身。Moon感恩能跟前輩滕麗名、羅嘉良及楊茜堯合作，並已向阿滕表白：「我細細個已經好鍾意睇佢做嘅《陀槍師姐》、《美味天王》、《美味情緣》，依家見到佢仍然係心心眼，有追星心態，所以我係好開心同興奮。」然而，她在劇中卻要扮演冷面律師，被勒令不能有笑容，要做好表情管理。至於何廣沛自爆曾諗計想跟羅嘉良同場：「當年佢拍《與諜同謀》，我逐個PA（助理編導）問，可唔可以安排我同羅嘉良同場，但唔成事，後來我有入廠想偷師，但佢去咗拍外景。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
