馮熙燮亦有幸踏上紅館舞台
早前胡楓（修哥）舉行紅館演唱會，全城星光熠熠，《聲秀》的一班後輩都有份參與這場盛事。馮熙燮亦有幸踏上紅館舞台，他回想起當晚的情景依然相當興奮：「因為從來都未有呢次嘅經驗，所以背後嘅功夫都的確係落得比較多。咁同埋歌詞都真係用盡100%嘅心機去背好佢，咁就希望喺呢個台上面，係可以用到真係最自如嘅我去表演畀大家睇。因為有呢一個機會實在太難得啦，出道半年，修哥都咁信任我哋，所以我多謝修哥。」
四個鐘大騷唱第一句：上到紅館完全冇緊張！
說到有份參與修哥嘅演唱會，馮熙燮直言感覺「非常、非常、非常開心」。他一開始以為自己會好緊張，怎料上到台反而好放鬆：「我第一隻歌嘅時候係Monica，我係冇理到我耳仔，我把聲勁大聲，但係我完全冇理，我係將我嘅熱情能量放曬出嚟比大家。」雖然今次演唱會長達5小時，他們還是第一組出場，負責唱第一句，對他們來說真的是一個極大的肯定。
嘆修哥魄力驚人
作為新人，馮熙燮對修哥的魄力佩服得五體投地，大讚對方超級親民：「其實修哥照顧我哋嘅位係好多啊，因為我好肯定修哥，未必對我哋好熟悉。因為始終我哋真係太新啦，但係每一次我哋同修哥去打招呼嘅時候，佢都係用佢最親切嘅笑容對我哋。」但最令佢震撼的，是修哥的體力：「修哥好精靈啊！因為其實落台之後，大家係真係去餐廳先，因為都想畀修哥休息一陣。咁但係佢好犀利！佢真係休息大概三四個字，佢返到嚟又有新嘅一樣咁樣！真係好犀利，尤其係帶妝啦，佢又要換幾次衫啦，又坐又企啦，其實都幾大工程。但係我反而係最佩服修哥，當晚雖然大家可能覺得佢體力上有啲累啦，但係其實佢喺話語上，係完全冇跌過watt。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
