▲《陳曉東 Neon Reflections 30演唱會》
【陳曉東 / 王妤嫻 / 劃火柴】《陳曉東 Neon Reflections 30演唱會》昨晚紅館順利舉行全場爆滿，有陳浩民蔣麗莎一家、周家怡、馬天佑、張頴康麥雅緻、中年好聲音甘永傑、梁浩賢、陳芷盈、阮偉倫及七師傅等到場支持。而張學友、梁詠琪、張敬軒、方力申及羅志祥等均送上花籃支持。
一出場化身星球上的王者，身上有星星光環，貼合主題唱出Neon Regrets開場，之後陳曉東換上身裝滿霓虹燈光的長皮褸，露出右邊麒麟臂，兼又唱又跳由《特務》、《心理遊戲》、《結他》和《新歡加精選》等快歌組成的Dance Medley。
完成連場勁歌熱舞後，東東再度出場，他搞笑地說：「你哋畀我唞唞氣先，不如呢part淨係傾偈囉？好唔好？哈哈」引來全場歡呼聲。
陳曉東封帝︱憑《騙我一輩子》首奪影帝 陳曉東感謝已故吳孟達提醒永不要交行貨
陳曉東演唱會︱與兩女上台合唱
陳曉東開騷前，早已預告長女芷霖（朵朵）和幼女芷怡（多多）一定會現身支持，想不到兩個愛女不單到場睇騷撐爸爸，還與爸爸合唱歌曲《我願意》，唱畢東東看着囡囡盡顯父愛，還問觀眾：「佢哋唱得好唔好聽呀？」東東又坦言女兒長大得很快，「佢哋真係好厲害，幾歲就上過紅館嘅舞台，不過嗰時佢哋只係有依家一半咁高！」
除邀請囡囡任嘉賓外，東東還趁機答謝媽咪（Lily）及太太王妤嫻，並送花答謝太太。
陳曉東演唱會︱新晉歌手Gordon Flanders任嘉賓
這晚陳曉東邀請了新晉歌手Gordon Flanders出任嘉賓，兩人先合唱《我比誰都清楚》，唱畢兩人傾談時，東東謂很欣賞這個年青人，但笑言想不到Gordon Flanders會認識1998年作品，Gordon Flanders竟然答：「雖然我都係1998年出世，但係我真係有聽過呢首歌，因為好多人攞陳曉東嘅歌去參加比賽。」
東東表示很喜歡跟新一輩歌手合作，欣賞他們有才華又有創意，Gordon Flanders即主動表示可為東東寫歌，之後兩人再合唱Gordon Flanders創作歌曲《冬天一個遊》。
陳曉東演唱會︱感覺事在人為
演唱會接近尾聲，他的「火爆黑戰士娃娃」從Tai螢幕跑出來跟他跳舞。東東問大家：我個仔跳得好唔好？」
最後陳曉東感性表示很感激歌迷多年來支持，「喺籌備呢個30周年演唱會時，遇到唔少困難，但睇到歌迷留言鼓勵，就會重拾信心。」特別是歌迷會的每位成員，稱：「呢個演唱會佢哋真係幫咗我好多，真係好多謝佢哋每一位。」東東又表示這個演唱會雖然困難重重，但經過大家努力後，最後都能順利舉行，令他感受到四個字，「就係事在人為！」
演唱最後以全場大合唱《水瓶座》及《劃火柴》兩首經典金曲，為演唱會劃上完美句號。
|
鍾意就快D Share啦！
|
|
|
