日是一年一度父親節，教一眾圈中男神倍思親情，羅子溢、蕭正楠及方力申等紛紛出甫「慶祝」佳節，全網洋溢溫馨。羅子溢於父親節前終完成新劇《警是個大佬》拍攝，並晒出太太帶着一雙子女前來探班照。據悉，楊茜堯目前已身在內地開工拍劇，故今日小珍珠與細佬Eden留家為子溢製造驚喜，令他感動非常。談到日前出席囡囡「小珍珠」畢業禮淚下男兒淚，子溢說：「由佢喺嬰兒床抱起長大到依家，真係點滴到心頭。嗰日佢哋嚟探班，見到我化血妝拍打鬥戲，囡囡表面上冇嘢，但其實睇到眼都紅晒，佢都好錫我嘅。（傳你囡囡26萬一年學費？）要問吓我老婆，我淨係負責畀錢，但有咁貴咩？總之盡力做嘢搵錢，唔好覺得辛苦就得嘞。」
子溢透露一雙子女是爺爺的開心果：「我爸爸係傳統老式人，後生時比較勞氣，但依家喺啲孫面前好慈祥。（你同爸爸有乜難忘事？）我喺圍村長大，遇上暴雨就由佢孭我返學，呢樣我最記得囉﹗我入行咁耐，佢經常叮囑我唔想曝光，話驚畀朋友問嚟問去。」至於蕭正楠則晒出自己孭着兒子「蕭哈哈」的跳舞視頻，並代囝囝留言：「第二屆父親節黑圖日。對住呢個父親一年多少少，如果我冇估錯，佢嘅工作一係跳舞，一係喺超級市場做，因為佢好鍾意帶我去超市跳舞！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
