霸氣反問：邊個話我離巢？
面對外界揣測離巢傳聞，王俊棠以語音回覆交代近況，透露自己目前正身處深圳，為TVB新劇《模範律師團》開工。他霸氣反問：「邊個話我離巢？TVB合約我仲簽緊，今日仲開緊工！」
至於端午節當日為何缺席沙田龍舟競賽，他解釋早前獲中山三鄉的鎮政府委任為文旅推廣大使，端午節期間有活動需要他幫手宣傳，與當地觀眾進行互動，因此才分身不暇未能回港參賽。他說：「我喺1998年已開始參加TVB龍舟隊，初頭都有二、三名嗰啲位，好似係2000年仲攞過冠軍.....我之後都可以繼續扒龍舟㗎。」
與安德尊互窒變老友
過往幾年的龍舟賽，「大王」安德尊與王俊棠經常隔空開火，大王曾寸他「一人累全家」，他則扯火反擊大王「口水多過茶」。對於這段看似水火不容的關係，王俊棠再次否認二人不和：「安德尊係好人嚟嘅，佢鍾意講笑，其實我同佢好老友。」
希望參與新一輯《愛回家》
此外，王俊棠在《愛·回家之開心速遞》飾演「池富」，與劉丹飾演的「熊樹根」一直是鬥氣冤家，深受觀眾喜愛。但隨著劇集將迎來大結局，王俊棠承認至今未收到拍攝新一輯處境劇的通知。他有所保留說：「《愛回家》應該都需要啲老嘢啩，無可能剩得後生拍戲，我唔知冇同我講，因為我簽嘅騷又唔係好多，所以睇吓啦，希望可以參予。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
