現年35歲嘅藝人吳嘉儀（阿七），去年初約滿離巢TVB，後轉戰網購平台擔任「街市即日餸」主播，專攻直播街市帶貨，售賣包括蔬果、海鮮、禽肉等，甚至曾於10號風球下仍堅守崗位完成直播，十分敬業，仲獲封為「街市天后」。上周末颱風「紅霞」襲港，天文台發出九號烈風或暴風風力增強信號，維持足足6小時，吳嘉儀對此有感而發，公開控訴舊公司過往曾於惡劣天氣下作出不人道安排！
吳嘉儀爆料指舊公司管理層於去年8號風球期間，依然強迫直播主返工，處理手法令人無奈：「上年差唔多打8號風，明知第二朝會掛更高風球，舊公司嘅經理主管安坐家中，篤啲直播主返工，叫商戶照入貨。」佢控訴舊公司管理層置前線直播主及合作商戶安全於不顧，要員工於惡劣天氣下冒險上班工作及安排貨務。而吳嘉儀去年7月於颱風「韋帕」襲港掛10號風球期間，就曾於九龍城街市直播。
吳嘉儀同時表示今次「紅霞」來襲，佢可以靜坐家中用電腦工作，對現時工作環境感恩：「今日，我感恩能安坐家中用電腦做好影片企劃，等風暴過去，再慢慢拍🩷#好老闆好同事真係好重要 #祝願打風上班的朋友安全順利」佢又感激現時團隊嘅體諒及彈性安排，同時亦為需要於颱風天堅守崗位冒雨上班嘅打工仔祈福加油。
本文作轉載及備份之用 來源 source: http://hk.on.cc
|
鍾意就快D Share啦！
|
|
|