唔覺撞樣AI「草草」
自懲教署推出AI禁毒女團後，不少網民驚訝成員「草草」外貌竟與陳楨怡極度相似。對此，陳楨怡表示有留意，並笑指自己被這個AI「洗版」，：「本身我都唔覺得似，但係啲網民好有創意，send咗好多AI合成嘅相就話兩姊妹，咁我就覺得『幾時影過呢啲相』，睇睇吓好似越來越洗腦。」問到有無因被惡搞而不開心？陳楨怡豁達表示不會，大讚網民很有創意，「我自己真係唔覺似。（係咪話你靚到AI咁？）咁梗係好開心，多謝網民。」
否認「雙性戀」
除了被指撞樣AI「草草」外，也有網民留意到陳楨怡的維基簡介突然被修改為「雙性戀女神」，並截圖分享到threads，陳楨怡即回覆對方：「I am not.」她自言最近經常瀏覽Threads，過程中發現了這張神奇的Cap圖。她笑指：「我有click入去睇，都幾多花名。」為何會被改成雙性戀？陳楨怡無奈說：「我都唔知啊，但我唔係㗎！（會唔會被整蠱？）我見到都好驚訝囉。」
拒推性感寫真 自問身材未夠豐滿
陳楨怡近期經常在社交平台分享生活點滴，當中不乏一些穿着較清涼、吸睛的照片。問到會否趁後生考慮推出個人寫真集，陳楨怡自謙身材不夠好：「我諗唔會，因為我自己對寫真好似都應該要……一定要好豐滿先可以影寫真。（妳都可以騷腿？）我諗我未ready，心理嗰關未過到。」
不過她直言很享受在社交平台上分享美妝、穿搭和美食等日常，早前更在清理化妝品時，發現自己不知不覺間儲了大量粉底和唇膏。她笑言其中粉底數量最多，即使是不同顏色的粉底也各有兩、三支。
親選牛仔褲送樂小姐
此外，陳楨怡透露，今年特別為樂小姐挑選了一條牛仔褲作為生日禮物，並無特別含意，只是之前她穿過回公司，樂小姐看到大讚其款式漂亮，於是便特意買了一條一模一樣的送給對方。
本文作轉載及備份之用 來源 source: http://www.hk01.com
|
鍾意就快D Share啦！
|
|
|