她坦言事前並不知道朱敏瀚在場，亦沒有特別過問，認為樂小姐的生日自然會有許多人前來慶祝。若在場內碰面會否打招呼？陳曉華直言：「一定要、一定要，我見到任何人都要Say Hello，我係禮貌小姐嚟嘅。」她強調，進入會場主要目的是為了玩樂和慶祝，不會多想其他。
對於有網民質疑，男方交代關係生變時，表現欠風度，應該由女生講較適合？陳曉華直言：「邊有咁分㗎。我都無諗咁多，我哋都係工作為上。」此外，有傳聞指她年初時暈低，是因為受感情打擊。陳曉華澄清當時純粹是身體不適：「年初我真係因為自己身體唔舒服，自己就（暈倒），無好好照顧自己身體，依家就工作為上。」
她亦透露當時有很多人關心她，而自己身體不適時並未向任何人透露。面對連番追問，陳曉華笑言：「過咗啦」，呼籲大家多關注她現時的工作。再見亦是朋友？她再次強調場內所有人都是她的朋友，見面一定不會避開打招呼。
而朱敏瀚受訪時，提到陳曉華年初暈倒街上，他直言：「我知，因為係我送佢上白車嘅！當時梗係擔心，我哋仲同賴慰玲食緊飯，但佢嗰日無留院，已即日出院，咁作為朋友當然有關心。」被問到舊愛陳曉華亦在現場，兩人見面會否感到尷尬？朱敏瀚直言：「唔會啊！（有網民覺得當日由男方主動『宣布』分手，有欠風度？）我都係講自己單身咗一段日子啫。我同邊個分開係大家寫。」他更強調，如果公司安排或女方不介意，一起合照完全沒有問題。
至於是否再見亦是朋友？朱敏瀚坦言：「我哋係好同事！我覺得唔好寫到我哋好似敵人，現場都有好多好同事，唔係全部都要做好朋友嘅。我好好嘅朋友有三個，就係張振朗、周嘉洛以及關曜儁，其他都係好同事。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|