吳煒倫講到今次劇本集銷售，起初先在百老匯戲院賣，但好快已賣晒要補貨，後來又成為書店的銷量冠軍。「好開心原來仲有咁多人鍾意睇字。」編劇何妙祺都奇怪香港人咁鍾意睇劇本集：「因為劇本唔係畀一般讀者睇，如果有興趣學做編劇，將來出埋DVD，大家可以拎住劇本睇住DVD，學到原來一場戲係咁拍出嚟，一場戲係咁寫。」
至於劇照集，今次是由《夜王》入面飾演BB的Hazel林熙彤負責排版設計。兩位都對書中的排版好滿意。何妙祺：「排版好有心思，我係睇完個排版令我有想法配咩文字。」
Hazel的技能，原來是拍完《夜王》後，由導演吳煒倫發現。「佢當時開咗個小型相展，現場又見到幾本書，都係佢自己搞，其中一本係大學畢業功課，講九龍城，由訪問、相、文字到排版都一手一腳搞，我話呢本書係直頭可以拎去出版，所以到決定做《夜王》相集就諗起佢。」談回電影合作，兩位連同陳慶嘉，今次合作得非常愉快，並透露好快會再有合作，大家密切留意。
本文作轉載及備份之用 來源 source: http://www.hk01.com
|
鍾意就快D Share啦！
|
|
|