藝人馬國明將於成都舉行首次個人粉絲見面會，向來「寵粉」又貼心的他，坦言每次到內地工作，眼見粉絲追車都大感心痛，故希望藉此近距離與他們逐一互動。而他日前偕蕭正楠、曹永廉唱到馬來西亞，3人繼續閃爆舞台。
視帝馬國明近日與老友蕭正楠、曹永廉遠赴馬來西亞開騷，3人之前已於內地多個地方合體舉行演唱會，下一站是本月25日的江門站，粉絲都相當期待。是次馬來西亞騷吸引大批當地粉絲捧場，現場座無虛席，馬國明在社交網分享多張花絮相，3人以多套閃爆西裝載歌載舞，他還與蕭正楠聯同舞蹈員合力抬起曹永廉，盡顯搞笑本色，難怪每場都氣氛熱烈。
演出期間，馬國明興奮得張開雙臂，陶醉於舞台之中。向來親民的他又落台與粉絲近距離接觸，大批熱情粉絲一擁而上，紛紛拿出手機爭相拍照，一度需要保安人員維持秩序，而馬國明全程大展招牌暖男笑容，不停向觀眾揮手，親和力爆燈。
馬國明昨日接受本報訪問時謙虛說：「好開心呀！一路跟住兩位大哥開騷唱歌，賺吓外快（儲咗好多飲歌？）多咗好多選擇，畀兩位大哥逼住練歌，又要學多啲唔同嘅歌，但叻就唔叻嘅，我成日都話唱歌係我Part Time嚟，不過叫做唔會勁走音，還可以」
心痛粉絲追車
他將於下月8日在成都舉行首個粉絲見面會，問到屆時是否要獨撐舞台，他指當日不算演唱會：「係Fans聚會，都會唱幾首歌，可以近距離見面互動係開心嘅，我未開過呢類型Event，依家有人邀請我搞都開心，因為平時去內地做完活動就走，今次可以多啲接觸。」他希望每位粉絲都有個別互動時間，故人數有限：「希望價錢唔好咁貴，在我嚟講唔係搵食嘅嘢，平時好多Fans想同我哋影相，會追我哋車，咁樣好危險，如果喺安全情況吓接觸吓，不妨之後再開一、兩場。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|