前TVB小花吳嘉儀離巢後曾轉戰街市直播帶貨，曾在十號風球下仍堅守崗位完成直播，獲網民大讚專業，被封為「街市天后」，惟今年2月她自爆慘遭無預警解僱，沉寂多日，原來她並未有放棄直播行列，最近更飛往韓國進行首次海外直播帶貨，終極翻身！她在社交網發文，分享感受：「話說6月最後嗰兩星期，我第一次踏足韓國首爾🇰🇷！仲要唔係普通去旅行，係我人生第一次挑戰『出國直播』！真係上咗人生好寶貴嘅一課。要不斷應變，雖然我有蝦碌甩漏，都試過畀自己太大壓力亂諗嘢爆喊，但同團隊一齊打仗嘅感覺真係超刺激！喺團隊身上學到好多嘢，亦真係見識到咩叫專業。睇番自己嘅表現，知道自己仲有好多不足，好多地方要進步。我知唔夠先有目標去追，嚟緊要繼續進化！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|