資深電影人施南生（Nansun）今日（13日）於醫院離世，享年75歲。陪伴施南生走最後一程的徐克，今晚離開醫院，接受傳媒訪問，他說：「施南生2022年免疫能力衰退，咁多年都一直係好頑強嘅生命，同病魔對抗，到最近佢嘅身體免疫能力嚴重衰退，病毒感染身體各個器官，導致器官衰竭，但佢都堅持走到生命最後一刻。」
徐克發言期間一度停頓及哽咽，要頓一頓才能續說：「佢喺親朋戚友同家人陪伴下安詳離開，告別大家，佢同佢嘅家人都一直好感激大家對佢嘅關注、堅持同祝福，佢希望大家對佢離別嗰種難過同思念，變做一種力量同溫暖，去接受佢嘅告別，希望佢安息，同埋佢嘅精神同我哋一齊。」徐克一步出醫院，便開始下雨，徐克發言完畢後，亦沒有接受傳媒訪問，上車離開，整個發言大約一分鐘左右。
施南生是香港舉足輕重的電影製作人，與前夫徐克携手拍攝過不少經典電影如《黃飛鴻》系列、《新龍門客棧》以及《倩女幽魂》等，並於2025年共同奪得第43屆香港電影金像獎「終身成就獎」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|