一齊贏冇人輸！你食牛排唔通自己養隻牛？
對於網民質疑「一齊贏，邊個輸？」，鍾培生直言這盤生意本質上是「解決行業痛點」，根本沒有輸家。「其實呢個係，一齊贏冇人輸。第一，同我partner一齊贏；第二，同事有成就感又搵到錢。客人入到嚟，解決到買假卡、買唔到貨嘅問題。」他笑說：「唯一輸嘅係對家囉。」
他以極具生活化的比喻反擊質疑：「就等於你要入去找嘢食，你買到嗰樣嘢（食材），你唔通話『我要自己劏隻牛、自己養隻牛，唔使咁多錢啦』？你買返嚟就係買個服務。」
針對網民指「炒卡」是呃錢，他強調HKTCG做的是零售而非炒賣。「所有嘢都有升有跌，我哋唔係賭炒卡，我哋有貨就出，貨如輪轉。卡升，個客賺多啲囉；卡跌，我哋都出晒貨啦。」他更反駁外界對抽卡機機率的質疑，指出比起市面上極低機率的盲盒，店內抽卡機最低中獎率有9%，最高達33%，主打以信用和知名度解決卡圈資訊不對稱的問題。
唔買名物買「Experience」：廿幾萬買部打拳冷凍機
作為富家子弟，大眾往往以為他的花費都在跑車與名錶上。但鍾培生直言自己從不玩車，連車牌也沒有。問到生平買過最貴的物品（撇除樓），他給出了一個意想不到的答案：「嗰部打拳用嘅冷凍機（Cryotherapy）囉，成個人隊入去，廿幾萬。」
他直言自己寧願花錢買「Experience」（體驗），也不願做守財奴買死物：「你叫我去買一件幾千蚊嘅衫，我唔捨得；但你叫我睇個好睇嘅show，買最前排幾萬蚊張飛，我又捨得喎。你叫我洗三百萬去買件好貴嘅錶，定係洗三百萬去飲飲食食？我會揀後者。因為買件死物返嚟，其實係債務嚟㗎嘛。」
斥Work-life balance是廢話：贏就得Work hard
HKTCG從去年11月底構思，2月簽約，5月底便正式試業，籌備不足半年。這種極致的效率，源於鍾培生對工作態度的強悍要求，以及太太莊雅婷（Angel）在背後的支持。
被問到這半年是否很辛苦，他直言身體累但精神極好，並狠狠痛批時下流行的職場心態：「力不到不為財。我啲團隊最勤力嗰班，一個禮拜做七日，係搵得最多錢。啲人成日講 work-life balance，嗰啲係full of shxt！So far贏就得work hard嗰班，全部有reward。」
拒絕虛偽貼地：假設破產寧願打工賺紅股
身為富四代，鍾培生常被批評「離地」。他直認不諱，並拒絕為了迎合大眾去拍「劏房大挑戰」：「我會覺得好悶囉，無需要證實啲咩畀你睇。你話唔貼地？我出入有司機，住南灣屋企咁靚，梗係唔貼地㗎！但我都會食車仔麵、茶記、大家樂，呢啲係興趣。」
記者問，如果有朝一日一覺醒來，失去所有財富變回住公屋的普通市民，又會怎樣？他的答案出乎意料地務實。「我唔會去借錢創業。我會去打份工，搵一間好嘅企業，去解決大企業嘅問題，自然有相對回報。冇錢咪做細分啲，攞三、五個percent紅股囉。」
狂人自省：做得唔好，係我廢！
大眾往往認為富二代做生意順風順水只是「投胎投得好」，鍾培生坦承家庭背景確實幫助很大，但他將自己常贏的原因，歸結於極度的「自我檢討」。
「任何人見到你好，都覺得你係好彩，覺得自己係懷才不遇。但點解我成日贏？因為我成日檢討自己。」提起生意與管理，他收起傲氣，展現商人本色：「我每一樣嘢都係歸咎於自己。同事做得唔好，係我做得唔好，係我廢囉！我能力唔好吸納唔到叻人，或者管理不善。我係咁樣諗，我咪成日贏囉。」
外界的批評對他來說似乎毫不重要，誠如他在訪問開首所言：「啲人鍾意、唔鍾意，覺得好勁定有不同評論，唔重要。我嘅目標就係做到一個全世界最大嘅HKTCG。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|