簽新娛樂公司 詳情待公布
史穎喬在首映禮上心情不俗，並透露未來將會做一些與以前讀書相關的幕前節目，希望很快能與大家見面。問到新東家是哪間公司？她就大賣關子笑言：「我簽咗⋯⋯哈哈，應該未講得住，未正式宣布得住。」
離巢TVB出於收入考量
談到離開TVB近半年，她坦白表示最主要是出於現實考量：「即係考慮夠唔夠生活呀咁樣。其實我當時離巢都無話即刻搵其他正職，加上而家市道比較差，呢半年都未搵到啱心水嘅正職。」被問到在TVB期間是否需要打幾份工？她直認不諱：「其實過去幾年都有兼住打吓part-time，或者幫人私補吓。」修讀中國語言文學的她，主要為中小學生補習中文，目前仍有幾個學生在手，更笑言若大家有需要，歡迎隨時到IG私訊她。不過她亦指，帶著幕前身分很難找全職，長此下去並非辦法，所以終決定離巢。
重投做空姐？
曾是空姐的她，被問到有否考慮重操故業，她坦言有想過：「但我都有考慮過收入，其實空姐收入都唔高。我都已經唔係大學生，有啲必須嘅洗費，要考慮嘅嘢多咗，唔似之前啱啱入行嗰陣咁自由。」
感謝TVB磨練
雖然因生計出走，但史穎喬強調對留守TVB這幾年絕無後悔：「我覺得呢個經驗好難得，入大公司見識到一個大世界，學到好多人生道理。喺我20至30歲呢段時間入面磨練過，我覺得都幾值得。」面對現時的大環境，她直言現在的心態變得十分務實，願意雙線發展：「邊度需要我，我就去邊度，我都唔太想放棄任何一個機會。」至於會否考慮北上發展？她毫不猶豫表態：「如果需要我，我都可以即刻北上，即刻！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|