首度回應「內定」傳聞
對於被指是「內定三甲」，尹景順接受《香港01》訪問時直言絕無此事：「其實邊個問我，我都係咁講㗎啦，其實真係無內定呢件事。點樣內定呢？因為我哋最後嘅總決賽我哋真係 Live 嗰喎，無得收音嗰喎！咁如果我哋真係，就算你話啦，我係內定冠軍都好啦，咁如果我聽日真係突然間有一個句走音呀，或者搞唔掂嘅嘢呢，咁你內定唔到畀我嗰喎，係畀人罵到貼地嗰喎，係咪先？所以係唔會內定嘅。」
談及發展與排名 認為實力才是關鍵
對於「海報效應」引發的猜測，他解釋：「又唔係咁講嘅，咁好似好多之前有幾屆嘅師兄師姊呢，佢哋就算冇入到決賽啦，佢哋都好多工作呀，係咪？其實講真到而家，我哋十強七強都好，有冇入到決賽都好啦，係睇之後自己嘅發展㗎喇。你第一第二名都好，第三名都好，你唔一定因為你係冠軍而多咗 Job 㗎。因為好似我記得有人講過啦，人哋唔會因為你係冠軍而買你嘅演唱會飛，睇你演唱會，係因為真係聽同鍾意聽你唱歌。所以其實無論如何結果係點樣，唱好自己，人哋欣賞你就會有好好嘅發展。」
力撐吳亦偉「把聲音真係好好」
談及同場參賽者吳亦年偉因咬字及唱功遭受網民質疑「發音像泰文」卻獲評審高分，尹景順亦出言力撐：「唔係喎，其實因為我哋現場聽嘅時候呢，因為我哋一直聽佢練習啦，其實我哋係聽得明嘅。可能因為我哋聽得太多次啦，所以我哋知道佢唱緊啲咩，同埋聽得明。但係因為偉哥佢本身真係好努力啦，因為我哋每一位參賽者付出真係好多，特別係偉哥，佢練呢個廣東話係咁樣，我哋係『中年好聲音』嘛，偉哥把聲音真係好好嘅。而且總決賽我哋偉哥準備嘅歌呢，大家一定要期待，因為真係好正！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|