視帝陳展鵬太太藝人單文柔今年創立自家護膚品牌，日前舉行發布會，出席的除了陳展鵬和女兒「小豬比」外，還有一班圈中靚女好友到賀，包括劉穎鏇、張寶兒、陳敏之，鍾晴和港姐王菲等，小豬比同媽媽以母女裝上陣，同穿上白底花裙，小豬比還裝上蝴蝶翼扮成蝴蝶仙子，現場更充當助手，幫忙媽咪照顧賓客，認真醒目。
單文柔在社交網發文感謝每一位愛錫她的好朋友出席支持，看到大家網上的留言，內心超感動和溫暖，讓她充滿超大信心和勇氣：「籌備咗咁耐嘅TOI終於正式誕生同大家見面，心情到依家依然好興奮！這幾年在家庭同生活中沉澱，我深深體會到大自然帶畀我哋嘅平靜同力量。植物源於地球，而我哋最健康、最放鬆嘅狀態，其實一直都藏喺大自然嘅純粹裏面。」希望把這份源自家庭的溫暖同大自然的療愈力，變為日常的陪伴，一起尋回身心靈的平衡與光彩。更感恩沿途好多愛她的人，特別是屋企人，一直成為最強後盾。
本文作轉載及備份之用 來源 source: http://hk.on.cc
|
鍾意就快D Share啦！
|
|
|