藝人楊明與莊思明今日（2日）假馬來西亞吉隆坡舉行婚禮，二人下午先進行簡單而隆重的斟茶儀式，思明接受東網訪問時，坦言當刻很感動：「特別係斟畀我阿媽嘅時候，我同阿楊（楊明）都有喊，到斟畀奶奶（楊明媽咪）嘅時候，佢媽咪好激動，好緊張，整個過程大家都好開心。」除了斟茶儀式外，一對新人免除繁文縟節，不設接新娘、玩新郎儀式，亦沒有兄弟姊妹團，晚上直接在當地酒店舉行婚宴。
楊明談到斟茶時，母親緊張又感動，他笑言：「我媽咪有啲受唔住，爸爸就淡定啲，外母叫我好好照顧思明，我已經應承咗佢。」至於他自己則被忙碌掩蓋緊張感覺：「未有時間緊張，今晚筵開30圍，請咗300位賓客，有馬來西亞同香港嘅朋友。」
剛完成敬茶儀式的楊明表示心情頓時放鬆不少：「第一階段敬茶順利完成，跟住就係婚禮儀式，真係好開心。」莊思明則坦言過程非常感動：「見到全部長輩都喺度度，好似終於完成咗一件佢哋一直以來最期待嘅事，見到老人家笑到咁開心，我都覺得好感動。」
談到婚後的造人大計，楊明笑稱會「順其自然」，看上天如何安排，但他亦不藏私透露希望能為家庭增添多些熱鬧：「希望可以一直生，我自己就想先生哥哥，再生個妹妹，咁樣哥哥就可以保護妹妹。」思明大讚楊明心思細密：「佢真係好想要個女，但佢覺得女仔一定要有人保護，所以就想先有個哥哥。」至於蜜月旅行，兩人表示目前尚未有具體計劃。楊明解釋因為剛忙完吉隆坡的婚禮，加上兩人隨後都有拍戲工作，所以打算先專心處理工作與返港後的慶祝活動，思明補充：「因為香港有太多朋友同幕後同事嚟唔到，特別係公司一齊相處咗十幾年嘅好兄弟姐妹，所以我哋想先喺香港籌備一個大派對，同大家再慶祝一次，蜜月之後隨時都可以去。」楊明更打趣爆料，指老婆其實非常容易滿足，只要能去韓國吃美食就非常高興。
另外，長姊莊思敏表示現場氣氛歡樂溫馨，談及為新人準備的賀禮，表示自己選擇了最實惠的現金，笑言籌備婚禮開支繁多，給予現金能讓新人自由購買心儀物品，雖然送首飾戴起來好看，但還是實用的現金最為實在。被問到是否期待新人早日生兒育女，她大方表示不希望給予新人壓力，認為一切順其自然即可，最重要是兩人永遠幸福美滿、好好相處。至於自己會否「搶先一步」傳出好消息，她則幽默笑答：「我應該仲難啲，唔好畀咁大壓力我，壓力好大呀！」
提到婚禮重頭戲之一的搶花球環節，莊思敏特別點名幾位單身好友，包括吳沚默、劉晨芝及關嘉敏：「好多人都好想拍拖，特別想關嘉敏，因之前女神配對唔成功，希望佢哋聽日有機會接到花球，分享好運！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|