藝人曹永廉多年來於圈中結下不少知己良朋，近日他相約久違了的林文龍及莫家堯等外出飯敍，阿廉與文龍更一家拖男帶女到場。有不少網民見到這個畫面，即勾起對90年代經典港劇的回憶，令人相當懷緬。阿廉昨受訪笑說：「我哋真係好好朋友嘅，嗰日傾開偈話不如約出嚟見吓面，就構成咗呢次嘅飯局嘞。」
阿廉又憶述說：「當年我喺度打散撈嘢，文龍已經係龍哥，一線小生㗎，不過佢對我好好，份人又冇乜所謂，加上大家都住喺西貢，所以經常聚會，或者去彼此屋企食吓嘢，感情就係咁培養出嚟。」他透露07年自己結婚，當時對籌辦婚事毫無頭緒，幸而有文龍出手教路，解決了不少問題。
至於已轉行做生意的莫家堯，在阿廉眼中原來是位「家事達人」：「以前佢直頭住喺我隔離，屋企有乜壞咗，好似燒咗盏燈咁，都叫家堯過嚟換，佢又真係好幫手喎。」回顧入行30餘年的歲月，阿廉難忘結識到一班好友外，亦慨嘆如今物是人非﹕「同期都好多人轉咗行嘞，有聯絡嘅真係要好好珍惜先啱。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|