曼聯(白衫)兩度領先倒輸。(Getty Images)
周六(15日)晚熱身賽焦點之戰，前紅魔鬼主帥魯賓艾摩廉倒戈，成功報仇，率先AC米蘭以4比2反勝曼聯，執教A米4場首嘗贏波滋味。曼聯今仗兩度領先之下倒輸，防線弱不禁風，出戰下場英超首輪賽事作客侯城，出現隱憂。
今場熱身賽充滿話題性，魯賓艾摩廉今年1月被曼聯解僱，6月成為AC米蘭教練，估唔到咁快有機會倒戈。不過，A米蘭開賽2分鐘就落後，曼聯中堅哈利馬古尼迎頂角球入網，A米亦不甘示弱，新兵干卡路拉莫斯左路橫傳，曼聯門將林曼斯出迎失位，被卓禾斯射入空門。上半場末段，曼聯獲得12碼，但般奴費南迪斯主射，被A米21歲門將托利安尼撲出。
換邊後冇耐，輪到AC米蘭防線「送禮」誤傳，被柏德列多古截到射入，為紅魔鬼再次領先，但好快被A米19歲小將艾法迪祖施斯射入扳平。
戰至61分鐘，球迷最期待畫面出現，曾經被艾摩廉「打壓」嘅拉舒福特、明奈一齊後備上陣，「福仔」更加係自2024年12月歐霸盃後，首次為曼聯披甲。當全世界以為兩人展開「復仇反擊戰」時，曼聯反而再失2球，被干卡路拉莫斯、羅夫度斯卓克攻破門大門，輸2比4。
魯賓艾摩廉成功報仇，但賽後佢表示並冇怨恨曼聯：「曾經擔任曼聯領隊係我嘅榮幸，我對曼聯並冇怨恨，亦冇過節，現時我身處另一個位置，必須專注AC米蘭工作。」曼聯已完成所有熱身賽，將於8月22日晚首輪英超作客侯城，領隊卡域克真係要想辦法堵塞防線漏洞。
最強博彩盤路過關神器《串績王》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|