藝人楊明和莊思明結束10年愛情長跑，昨日（2日）在馬來西亞吉隆坡舉行婚禮，婚宴當晚由思明大家姐莊思敏和黃建東擔任司儀，莊思敏語出驚人，台上問莊思明：「莊思明，你願唔願意，喺在場咁多位賓客嘅面前見證，嫁楊明為你嘅合法妻子？」惹來全場爆笑。
莊思敏受訪時仍難掩尷尬：「呢單嘢我X出宇宙！」她解釋：「因為腦裏面諗住其他版本，本身冇諗過要我哋做呢個環節，以為有牧師或者專業人仕做，去到現場先發現要問呢句說話，冇準備真係隨口講，唔知點解個腦同口嗰刻對唔上，可能太緊張，救命呀！」她直言內疚，感覺好像對不起楊明和思明，問事後有沒有被思明訓示？她笑言沒有，至於另一細妹思華明年結婚，問思華應該不會找她做司儀時？莊思敏回了一個笑到喊的emoji。莊思敏表示妹妹的婚禮全晚好多感動位，整晚不停喊，尤其是AI爸爸重現螢幕上，透露當刻爆喊，她並表示會留兩天，後日（5日）才返港。
本文作轉載及備份之用 來源 source: http://hk.on.cc
|
鍾意就快D Share啦！
|
|
|