無綫戀綜《女神配對計劃2》首播引發全城熱話，一眾高顏值勇者陸續登場，當中現年26歲的混血洗冷氣技工方智弘（Oscar）一出場便震撼全場！擁有葡萄牙、芬蘭及香港三地血統的他，濃眉大眼且輪廓深邃，神似TVB男神吳偉豪。加上一身線條分明的結實肌肉，令團長阿Bob（林盛斌）大讚：「嘩！你好靚仔喎！」連評審關嘉敏都搞笑直呼屋企冷氣「壞晒」，話要親眼看他洗冷氣。其實Oscar來頭不小，除了冷氣技工本業，他更是男團OneUp成員兼模特兒，曾參選《全民造星V》並奪得叱咤樂壇生力軍組合歌手銅獎，絕對是實力與顏值兼備。
除了節目上的完美形象，日前更有網台主持加碼爆料其「洗冷氣日常」！主持爆Oscar上門工作時相當豪邁：「佢一入嚟即除衫，當時我女朋友喺度，佢成個Tyson Yoshi咁，好X大隻，一個人成個一匹冷氣抽出嚟，好誇張！」引得另一位主持笑喊：「佢擺明挑你機！」
身為《女神2》主持的林盛斌留言大讚Oscar：「大家今晚有冇睇？覺得今次啲參加者水準如何？好多人問我佢係咪真係整冷氣，我好認真答你：『係，原則上佢嘅正職係整冷氣，兼職先係做歌手！』佢同另外一個朋友，係一隊二人男子組合，其實依家呢個娛樂圈，無論係做演員定歌手，好多都有做幾份工作，努力去維持生計，先可以繼續去追夢，因為唔係個個都係最紅嗰啲，所以我真係完全唔覺得有啲咩問題，亦都唔係乜嘢做媒，佢真係自己上網報名參加。最後我想多謝所有海選面試嘅求愛勇者們，你哋每一位，喺我心目中，都係非常勇敢嘅！大家可以認識吓佢，佢叫Oscar，真係幾靚仔嘅。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|