梅媽喪事低調舉行，原本揚言要花150萬在將軍澳永遠墳場為梅媽進行土葬的梅啟明，自覺被蒙在鼓裏，故得知消息後極度震驚，激動怒喊：「要告呢個人謀殺呀，直頭！」記者追問究竟要告誰，他理直氣壯地將矛頭指向梅媽遺囑承辦人：「告姪仔，仲有邊個啫。」當晚深夜，他與泰籍女友May May在西灣河碼頭一間餐廳接受訪問，期間他越講越激動，導致血壓急速飆高，甚至出現呼吸困難的症狀，現場人士見狀隨即急Call白車求助。
當救護車趕至現場時，梅啟明的情況未見好轉，連站都站不穩，並開始神智不清，於救護車上不停口噏噏：「我阿媽呢？阿媽你快啲嚟，魔鬼燒你、魔鬼燒你 ⋯⋯」最終由三名救護人員合力將他送往東區醫院，女友May May亦全程在旁照顧。據《東周刊》消息指，入院後醫生安排他到特別休息室平靜情緒並進行檢查，直至凌晨四時許，梅啟明身體狀況恢復穩定後，始離院回家。今日下午時分，《01娛樂》聯絡梅啟明，一打通電話即傳來不絕咳聲，當記者詢問他目前健康情況如何，他只是氣若柔絲說：「冇事呀，我好唔舒服呀……我唔舒服呀……我而家好唔舒服呀，唔回應，唔該。」說罷便掛斷電話。
本文作轉載及備份之用 來源 source: http://www.hk01.com
|
鍾意就快D Share啦！
|
|
|