藝人王賢誌（Vinci）前年因拖欠財務公司280萬元而申請破產，隨後與另一半Kevin避走加拿大生活。近日佢被胞妹指欠下巨債，形容債務是「天文數字」，又有人直指他是好賭之徒，尋日（22日）王賢誌終極開腔親自反擊指控，開直播否認好賭，又含淚談及家人，指破產是與投資失敗有關，同時自揭身在加拿大兼職送外賣，已承諾盡力還債。
談到被指爛賭，王賢誌斥此說法嚴重且不能接受：「尋晚有另一則新聞出現咗，就係關於我今次欠債咁多，主要原因係因為我爛賭，我係一個好鍾意賭錢嘅人。如果賭錢，我嘅理解可能係入去賭場、去澳門、或上賭船甚至入馬會。其實我以前後生剛出道時，有試過去澳門娛樂吓，當時都有輸過錢。但呢20年，過去呢20年，我幾乎絕迹賭場，完全冇去過。」他稱已主動聯絡對方要求對質澄清，但未獲回覆，更質疑對方同樣破產，為何要評論另一名破產者的債務。
提到家人受牽連，他眼泛淚光哽咽，表示愧對家人：「其實屋企人仲有好多，唔係剩係我個妹，我覺得唔多唔少令佢哋有影響，令佢哋有好多煩惱同好多不便，令佢哋有好多情緒。我依家唔喺佢哋身邊，冇辦法照顧到佢哋，我覺得好難受…係非常之難受。」他輕嘆一聲，續說：「所以我個人好亂唔知可以點，希望同大家分享，有你哋支持繼續行落路去。」
談到破產的真正原因，王賢誌覺得難以用三言兩語說清楚：「成件事唔係咁簡單，當然有自己投資失敗、理財不善，或者自以為是，去做好多嚴重嘅決定，去到後尾可能要欠債，再行到破產呢條路。其實係一個好漫長嘅路，亦發生好多事，牽涉嘅人亦唔少，唔係三言兩語講到。但已係過去嘅事，因為我真係一個破產人士，希望努力工作搵更多啲錢，起碼還番畀部份債權人，還得幾多得幾多。」
王賢誌透露，四年破產期內在加拿大開短視頻平台直播之餘，也兼職外賣平台送外賣，親手把食物交給客人，盼對方滿意多給貼士。他又指破產期間生活受限，不能奢侈、搭的士或隨意旅行，收入亦要向破產受託人申報，但仍會努力賺錢還債：「還得幾多得幾多。」更稱當地有空間讓他嘗試新工作。
本文作轉載及備份之用 來源 source: http://hk.on.cc
|
鍾意就快D Share啦！
|
|
|