女團COLLAR成員Candy早前推出全新情歌，本人卻是「A0」零戀愛經驗，唱歌及拍MV全憑想像。她自認「異性絕緣體」，由於性格內向，經常被誤會是「黑面神」，令追求者卻步。
Candy第二首個人單曲《燈神》，以「燈神」比喻愛情上的「地獄黑仔王」，總是遇人不淑，但仍死心不息繼續關係。「A0」的她坦言未能代入，但可轉換成戀愛以外的不同場景，她舉例說：「歌詞其中一句係『有時我都相當費解怎麼當初揀了你』，其實可以用喺購物、投資甚至中學揀科，我對自己最大嘅費解係中學揀科時揀咗化學，但超難，最後我Drop咗呢科。」
Candy青春又靚女，理應不乏裙下之臣，但她自稱「異性絕緣體」，笑說：「冇乜人追求我，可能我比較『I』，有啲社恐同內向。我一個人嘅時候唔出聲，會畀人覺得我黑面同好有氣場，令人唔敢接觸。」
寧冷戰拒鬧交
由於缺乏戀愛經驗，錄音時，監製着她幻想身邊女歌手的演繹方式，她說：「我幻想隊友Winka點唱，因為我好鍾意佢嘅歌。」除了錄音靠幻想，拍MV時同樣因欠經驗而被考起，她說：「有場戲要鬧交，但我好少同人鬧交，因為我寧願冷戰，所以我問工作人員鬧交要有咩題目，同埋係咩情況。」
談到今年以新人姿態單飛，Candy自覺變得獨立：「團隊訪問時我好少講嘢，依家一個人，覺得自己健談咗同大個咗。」她猶記得推出第一首單曲時，首次唱Live期間一直手震，全程不敢張開眼，心情超級緊張，今次唱Live終於夠膽望粉絲，亦更享受舞台。
本文作轉載及備份之用 來源 source: http://hk.on.cc
|
鍾意就快D Share啦！
|
|
|