內地女神劉亦菲擁有「神仙姐姐」稱號，全因佢長相空靈又有仙氣，身為頂流當然成日獲唔少國際品牌青睞，近日佢現身自己擔任全球代言人嘅珠寶品牌上海晚宴，事後仲識做晒出當晚多張靚相，當中就有與高層合照及個人寫真，點知就引發「合照裁切」爭議，甚至被炎上到急將照片下架！
劉亦菲身穿粉色禮服出席晚宴，，其中一張相係佢同品牌執行長二人同框，獲品牌最高待遇，盡顯身價。點知轉頭被發現，原來佢係將越南女星胡玉荷（Hồ Ngọc Hà）由合照中裁走，連品牌執行長身體都僅剩一半，引起越南網友湧入留言區炮轟。目前劉亦菲急急將合照刪除，但胡玉荷則晒出原圖，大讚劉亦菲「真人超美、超可愛」，展現滿滿善意。
網友紛紛替胡玉荷抱不平，痛批神仙姐姐極度傲慢、毫無社交禮儀，甚至連越南作家、聯合國合作大使都跳出嚟公開鬧，甚至有人留言表示：「為甚麼其他國家總是看不起越南藝人？」胡玉荷親自高EQ回應：「我們就再更加努力吧！」相反，劉亦菲及並團隊則未有為事件作回應，只得粉絲護航稱係「宣傳操作失誤」或「嫌對方穿太露」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|