已故賭王何鴻燊四房兒子何猷君與太太奚夢瑤近日假澳門舉行婚禮答謝宴，宴請6月時未能現身法國參加婚禮嘅賓客，場面衣香檳影。原來同一日，何猷君同奚夢瑤亦補辦中式敬茶婚禮環節，奶奶梁安琪豪氣送出22隻實心龍鳳鈪作為奚夢瑤婚嫁禮，象徵長輩對新抱嘅接納與祝福，更當眾送上賭王當年贈予佢嘅定情信物！
奚夢瑤晒出當日合照，只見敬茶收禮上，奚夢瑤頸間疊戴18隻龍鳳鈪、手腕上4隻龍鳳鈪，合計22隻，被網友封為「黃金頸」奇觀，以金價估算，總價值逼近300萬元人民幣（約351萬港元），大晒金光閃閃豪門儀式。據知奚夢瑤當日身穿嘅嫁衣耗時3600小時純手工打造，係中式婚嫁最高規格嘅螢皇，與滿身金飾相得益彰。
眾人舉行閉門敬茶儀式，正中央懸掛賭王何鴻燊肖像，奚夢瑤拖住父母入場，何猷君攜子女迎親，一對仔女身穿紅裝一同行禮，寓意家族傳承與接納。而最令人驚喜嘅係，奶奶梁安琪於答謝宴上罕見登台致辭，感謝「善良優秀的小明」融入家庭並誕育一雙兒女，更將賭王當年贈予佢嘅定情信物、頂級澳白珍珠頸鍊傳畀新抱奚夢瑤，被視為最高規格嘅認可，奚夢瑤亦相當識做，以「vintage high jewelry from mom」發文感謝。
本文作轉載及備份之用 來源 source: http://hk.on.cc
|
鍾意就快D Share啦！
|
|
|