梁靖琪親述拍強姦戲情緒崩潰
入行多年的梁靖琪坦言，即使演戲經驗豐富，至今依然對床上戲及強姦戲存有巨大的心理陰影，更自爆曾因拍攝強姦戲份而一度情緒崩潰：「我做咗咁耐，我話畀你聽我都會驚……我記得有次拍一套劇係畀人強姦，我個人係癲咗，拍完好驚、好緊張，我頂唔順呀！拍完嗰幾日，我都係個人好驚。」
陳瀅於無綫台慶劇《璀璨之城》中上演全裸露背及性感大膽戲份，劇集播出後更引發熱議並引來通訊事務管理局接獲25宗投訴。節目中，陳瀅直言雖然大眾明白影視創作純屬虛構演戲，但演員在演繹極端情節時，往往需要掏出深層的真情實感去代入角色：「雖然我哋係演員、係假（只是演戲），但好多時候演員我哋真係會用咗真嘅情感去做，所以嗰段時間真係……the feeling is bad（感覺非常難受）。」
梁靖琪拍拍性感戲：憂兒子難分真假
事實上，已為兩子之母的梁靖琪早在2022年接受《香港01》專訪宣傳《家族榮耀》時，就曾大方透露接拍床戲時的心情：「作為母親的確有擔心床戲嘅部分，因為呢part可以推動劇情，所以自己有同先生傾過，而導演都話過冇太多尺度大嘅行為，淨係坐喺床度乜都見唔到，所以我都OK嘅。」而被問到是否會再接拍性感戲份時，梁靖琪表示要視乎情況而定，因為成為母親後，有很多事情需要擔心：「盡少梗係好啦，但係對於演員係唔可以介意太多。」
當被問到會否介意兒子長大後看見自己的性感演出時，梁靖琪亦坦言已設想好應對方式：「如果我接咗呢啲劇，我會解釋畀佢聽，因為而家好多小朋友都分唔清現實同虛擬。」她直言做了人妻與人母後內心多了很多顧慮，若覺得不適當的時候，自己內心亦不會太想做。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
