受香港權貴女名人邀請出席聚會 第四次同場即出事
伍姑娘在節目中還原當時事發經過，坦言當時因尊重一位圈中極具權勢的女名人而應邀出席社交聚會。她表示：「有一個香港好出名嘅女名人，好大權力，同佢熟與唔熟之間，佢約咗我去卡啦OK，我覺得要畀面呢個人，因為卡啦OK唱歌啫，冇特別！但又唔係同佢好熟，一個禮拜搵我一次，逢禮拜五、六、日就搵我。」
伍姑娘續指，當時同場經常有一名男子出現並主動向她搭訕，她憑直覺已大約猜到對方的意圖。豈料去到第四次聚會時，該名男子藉著酒意突然發難，將她強行拉入K房廁所。
房內眾人冷眼旁觀如排戲 伍姑娘憑霸氣冷靜自救
伍姑娘直言當時情況極度突然且險象環生，最令人不寒而慄的是現場其他人的反應：「成班人坐喺度好靜，好似拍劇排戲咁，坐喺度唔郁架，咁我就被人拉入廁所。」
被強行拉入廁所並閂門後，該名男子更做出令人髮指的舉動。伍姑娘還原驚魂一幕：「我話做咩呀，你飲醉咗，跟住佢一手抱我上洗手盤，跟住就（自己除褲）。」面對突如其來的威脅，伍姑娘未有被嚇傻，即時用力按住對方心口並大聲喝止：「我㩒住佢心口，話你飲醉咗，要大聲同佢講，我話得啦，行開啦，我唔受呢套！」
伍姑娘坦言當時心裏其實極度害怕，因為對方絕非善男信女，幸好她憑著果斷強硬的態度成功打退對方並即時離場。她感嘆道：「我唔知係咪人哋欣賞我，但都有種侮辱性喺度。」李彩華在旁聽聞經過後亦大感吃驚，大讚伍姑娘當時夠冷靜、夠霸氣，方能及時化險為夷。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
