周日（18日）晚英超頭場「玫瑰打吡」，曼聯再度領先下失分，作客被列斯聯逼和1比1，各項賽事連續6場未贏過，令卡域克帥位更岌岌可危。
曼聯賽前各項賽事5場不勝，兼有後衞利辛度馬天尼斯炮轟技術總監韋確斯買人不力，內憂外患下，主帥卡域克仍讓利辛度馬天尼斯擔正。由於係打吡戰，兩軍初段都寸步不讓，去到33分鐘，曼聯箭頭麥比奧莫無人看管下竟然頂出界，好彩2分鐘後呢位射手接應泰利文斯橫傳，近門射入先開紀錄，拎住1球領先優勢返入更衣室。
易邊後卡域克即用馬沙拉奧入替疑似有傷嘅利辛度馬天尼斯，但列斯聯採取高空轟炸，令紅魔後防風聲鶴唳，51分鐘一次角球攻勢，中鋒卡維特利雲於混戰中快射扳平，最終各一言和，曼聯近6仗只得3和3負，愈踢愈沉，卡帥似乎冇晒計。
本文作轉載及備份之用 來源 source: http://hk.on.cc
|
鍾意就快D Share啦！
|
|
|