網頁

▼
掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2026年11月18日 星期三

《女神配對計劃2》:女神2︱Oswald晒片還原「食女」真相:與練樂儀非密友 #女神 #女神配對 #女神配對計劃

無綫戀綜《女神配對計劃2》參賽者多是非,最近現年36歲、曾任投資銀行高層嘅關經翰(Oswald)先後獲俞可程與梁超怡青睞,最新節目中更與女神陳星妤欽點 ...






無綫戀綜《女神配對計劃2》參賽者多是非,最近現年36歲、曾任投資銀行高層嘅關經翰(Oswald)先後獲俞可程與梁超怡青睞,最新節目中更與女神陳星妤欽點共進晚餐及「同帳幕過夜」。惟尋日(17日)即爆出佢疑似秘撻前亞姐兼有「美人魚小姐」稱號嘅練樂儀,二人被指返豪宅度春宵。為推翻花心形象,Oswald今日(18日)凌晨急急發布澄清文,並上載當晚大批好友上門聚會片段,為自己同練樂儀唔係戀人關係解畫。


自稱單身嘅Oswald高大靚仔,不忿今次被屈,上載大班朋友上門聚會及齊齊睇《女神2》嘅相同片,身邊大把俊男美女,當中就見到Oswald同練樂儀坐開幾個身位,Oswald亦直認自己同練樂儀本身都唔Close,更不存在任何情侶關係,當晚大家都只係上佢屋企賀新居入伙,二人被拍到嘅一刻係佢落樓紳士幫練樂儀拎聚會物品,位位都係普通朋友。


Oswald全文如下:
本人與練小姐並非Close Friend,而且每次見面都是在同一班朋友的聚會場合,並非私下約會,亦不存在任何情侶關係。


照片拍攝當晚,當時我家中正舉行Housewarming聚會,練小姐表示帶了不少物品,希望我下樓接她。出於基本禮貌,我便下樓協助她拿取物品並一同上樓參與聚會,其後她亦提早離開。整個過程只是朋友聚會中的正常往來,並無其他意思。


至於關於生日聚會的報道,當日我並沒有送花或蛋糕予練小姐,只是以普通朋友身份到場參與聚會,當晚大部分時間亦是與其他男性朋友交談。


對於近日的報道及外界揣測,我感到無奈。希望大家不要過度解讀個別照片或片段,讓事件回歸事實。


多謝大家支持。


至於陳星妤接受東網訪問時表示:「其實佢(Oswald)已經解釋過係一班朋友聚會,我相信佢講嘅嘢,只係一場誤會。」

本文作轉載及備份之用 來源 source: http://hk.on.cc
鍾意就快D Share啦!