前港姐冠軍陳凱琳（Grace），近年轉型為自由身KOL，積極發展個人事業及參與內地綜藝節目，同時佢又為老公鄭嘉穎誕下三子，湊仔為樂。日前佢性感現身香港街頭，再次巧遇外國KOL並接受隨機街訪時，竟連連爆料，我口講我心。
提及對香港男仔嘅睇法，Grace大方談及老公鄭嘉穎，透露對方因自小於美國讀書，思想兼具中西文化：「佢唔係嗰種完全嘅香港男仔！」不過佢仍大讚港男非常體貼，有一種「一定要照顧女仔」嘅心態，仲力推女主持試吓同港男約會。
雖然婚後恩愛如初，Grace卻現場自爆大嘆27歲太早嫁人，少咗妹多單身約會樂趣，笑言如今只可以睇住朋友拍拖「過乾癮」。當得知29歲嘅主持人詢問婚齡時，Grace隨即語出驚人、搞笑勸退對方：「你應該36歲先結婚，咁就可以享受多6年約會樂趣！」風趣又真誠，引嚟全網爆笑，令佢再度圈粉。
本文作轉載及備份之用 來源 source: http://hk.on.cc
|
鍾意就快D Share啦！
|
|
|