揭30年前移民真相 齊聲嘆：為咗下一代讀書
這班在80、90年代活躍香港影壇的演員，原來絕大部分都在1990年左右移居加拿大，至今已超過30年。被問到當年為何放棄如日中天的事業走到加國，眾人直言除了「羊群心態」外，歸根究柢都係為咗仔女。 高雄率先道出真相：「早過嚟嘅就好坦白講啦，有一種羊群心態，知道佢（馬宗德）見到我就嚟，佢又嚟！」 元華即刻補充核心原因：「過嚟就係畀仔女呢便讀書！」 眾人齊聲和應：「都係通常大家都係為下一代㗎」
高雄霸氣睇化死訊 元華零緋聞靠老婆
留着標誌性白髮白鬚的高雄，近年屢被網上假新聞纏身。面對這些流言蜚語，心境豁達的高雄在席間一笑置之，更極度幽默地自嘲：「網上咪話我喺國外有兩個老婆咯，有名有相！然後我又死過三次啦，又三次入過急症室」 他大笑表示完全不介意：「就好彩今日我仲喺度同你傾緊偈啊，笑罵由人」並坦言在娛樂圈見慣大風大浪，自己並非唯一的受害者，無謂去生氣。
相反，身邊的元華多年來卻是「緋聞絕緣體」。當楊紹鴻問及點解無人傳他緋聞時，元華即刻大爆護妻金句，搞笑直認全天候被𥄫實：「因為我老婆搵咗個間諜，成日都喺我身邊隨隨噉轉！」即被楊紹鴻踢爆：「嗰個咪你老婆，佢係跟得夫人嚟㗎嘛！」
馬宗德光榮交棒43年鐵館
除了元華和高雄，同場的馬宗德與「日本仔」亦大有來頭。在電影中屢演爆肌猛男的馬宗德，原來早年在佐敦經營著名健身室「勁力健美中心」長達43年，培育過無數健美及香港先生。他指移居溫哥華時，已交給弟弟馬宗蔭繼續經營。他說：「我開咗四十幾年，香港最後一間鐵館，係我細佬物業，但生意係我，現已賣咗.....我上機之前先至轉手交咗畀我細佬，我交咗畀佢二十年！」
雖然年紀比元華還要大，但馬宗德依然中氣十足，更摸住光頭自嘲：「我梗係大過華哥，我都白㗎，不過我冇頭髮啫嘛！」 引得全場大笑。
日本仔感激「六叔」提攜
同場亦見到經常在80、90年代電影及劇集中飾演軍裝警的「日本仔」田沃豐，訪問中他透露：「香港我做輔警㗎！」 難怪演起警察上來入晒骨，被外界封為「御用警察」。此外，由於他眼仔細細似足日本人，經常做「專業日本人」而得來「日本仔」花名。
田沃豐當年非常多產，雖然戲份不算多，但扮演警察和日本人維妙維肖，深入民心。他自1995年離開香港演藝圈後，便移民加拿大開餐館；近年更積極參與加拿大息影藝人同傳媒人協會的活動，睇落非常精神。談到演藝生涯，他感性表示一直帶挈他的恩師「六叔」：「可以講話我下半生人啊，有今時今日真係靠佢！」 一班老戲骨難得聚首，談笑風生間盡顯歷練與豁達。
本文作轉載及備份之用 來源 source: http://www.hk01.com
|
鍾意就快D Share啦！
|
|
|