黑歷史1：疑街頭約會被網民斷正
對於被網民指抱著「拖住呢個男士去揀男仔」的心態參與《女神配對計劃2》，俞可程受訪時表現從容並還原真相。她表示今年7月及8月接下連鎖快餐店廣告，由於機會難得，特意邀請TVB男導演協助拍攝、度橋及剪片：「佢影咗我相嗰一日，其實就係我同佢去剪片嘅日期嚟嘅。」她強調兩人當時純屬工作接觸，並對著鏡頭再三澄清自己目前單身，更爆笑提議日後與公司男同事外出拍片時要「掛返工作證」避嫌。」
黑歷史2：紅髮造型被嘲似「史力加太太」 大方笑認：睇睇下又真係似
俞可程在《女神配對計劃2》播出初期負評如潮，其中一集她以一頭紅髮加上油光面容示人，在Threads及討論區被網民狠批未達女神顏值，更直指她撞樣動畫角色「史力加太太（Fiona）」。她上月底出席宣傳活動時大方笑認：「我睇睇下又真係有啲似，我都覺得嗰集無咁靚，咪下一集靚返啲囉。」
黑歷史3：自爆Ocamp獲15男狂追被指「作大」
此外，她日前在節目自爆大學Ocamp（迎新營）期間曾獲多達15名男生同時狂追，隨即在Threads被網民質疑「作大」。俞可程隨即在Instagram限時動態上載多張就讀香港城市大學工程系時期的舊照，並以工程界俗語自嘲：「女仔讀工程，豬乸變貂蟬，我就係2016-2022嘅其中一隻豬乸」，以自貶幽默化解質疑。
黑歷史4：傳俞可程妒忌爭寵驚動高層 入行兩年是非不斷
同屬《東張》女神的何沛珈（Roxanne）與俞可程（Kanis）因在節目中同爭「冷氣男神」方智弘（Oscar），加上人氣及鏡頭份量懸殊，近日屢傳不和，甚至傳出二人暗鬥驚動高層「照肺」。
再加上她早前在節目中曾因揀位坐強行拆散阮嘉敏CP捱轟、被指為參加節目狠飛前度，以及年初參加《魔音女團》海選時因「唔扣鈕開胸」造型被批博出位，連串爭議均成為網民茶餘飯後的焦點。
本文作轉載及備份之用 來源 source: http://www.hk01.com
|
鍾意就快D Share啦！
|
|
|