無綫今日（9日）與騰訊音樂娛樂集團共同舉行戰略合作發布會，宣布將強強聯手打造大灣區一站式粵語音樂文化新生態，將推出首個旗艦音樂節目《大灣區勁歌金榜》，並會每3個月舉辦一次大型實體音樂會及舉行《大灣區勁歌金曲頒獎典禮》，馬國明、陳煒、劉佩玥、陳曉華、魔音女團、一眾《聲夢》及《中年好聲音》歌手等均有出席，場面熱鬧。
近年頻頻登台的馬國明被指現時歌藝了得時，他即時否認，叫大家千萬不要誤會，自己連主題曲也少唱：「今次聯手對音樂方面好幫到手，一部電視劇嘅音樂係好緊要，無論主題曲、插曲或者背景音樂，所以我哋作為藝人係好支持。（自薦唱主題曲？）唔會，我從來都唔會自薦TVB劇集歌。（TVB以外會？）但冇人搵我，我只係兼職，留畀正職歌手。」
提到他之前跟蕭正楠及曹永廉在內地開演唱會，問到會否想跟隨無綫開實體音樂會？他坦言：「唔知佢哋有冇興趣，我都係跟兩個大哥，你問佢哋。」至於陳煒透露上月跟馬國明及譚俊彥在美國登台，笑言自己跟隨馬國明，由對方話事，並指對方是唱歌主力，馬國明謙稱：「我搵食啫！」問他會否想做大灣區新人？他笑謂：「呢個歲數先攞新人獎？」陳煒指他可能角逐最佳飛躍進步獎，馬國明反指陳煒唱歌好好聽，推她做女新人：「佢好多飲歌，佢有唱梅艷芳嘅歌。」陳煒指自己仍有很多進步空間：「依家積極去練同去學唱歌，希望喺大灣區廣大觀眾面前唱歌。（會唔會想唱劇集主題曲？）要係我主演嘅劇先有機會。（《模範律師團》呢？）依家興用純音樂做主題曲。（插曲呢？）啱feel就會，但最重要係監製覺得啱，我哋唔可以揸主意，而且套劇有羅嘉良，要留畀佢唱。（你哋合唱？）睇吓佢肯唔肯接受。」
另外，談到無綫跟騰訊視頻合作，將旗下多部經典劇改編為橫屏短劇，陳煒認為是好事：「開心，依家短劇係一個趨勢，大家唔使喺屋企對住個電視，出街搭車都可以攞個電話睇，好方便，更加多人可以睇到我哋嘅演出。（想翻拍邊套劇？）我想同馬國明拍。」而
馬國明就想翻拍《降魔的》或《白色強人》，但未知題材是否合適內地。
本文作轉載及備份之用 來源 source: http://hk.on.cc
|
鍾意就快D Share啦！
|
|
|